Prezident Rasii Uładzimir Pucin unios u parłamient zakonaprajekt ab novym artykule rasijskaha Kryminalnaha kodeksa «Zajmańnie vyšejšaha stanovišča ŭ złačynnaj ijerarchii», paviedamlaje TASS.
Fota: criminalnaya.ru.
Na dumku Pucina, ciapier kryminalnyja aŭtarytety mohuć paźbiahać adkaznaści pry dapamozie svajho statusu ŭ złačynnym śviecie. Pry hetym kryminalnaja adkaznaść za sam fakt lidarstva takoj asoby ŭ złačynnaj ijerarchii nie praduhledžanaja.
Prezident Rasii ličyć metazhodnym heta vypravić — pazbaŭlać voli terminam ad 8 da 15 hadoŭ. Akramia taho, padsudny budzie abaviazany vypłacić štraf.
Pucin taksama prapanavaŭ ličyć asobnym składam złačynstva sam fakt udziełu ŭ schodkach złačynnaj supolnaści. U vypadku pryniaćcia zakonaprajekta za heta buduć sadžać na termin ad 12 da 20 hadoŭ.