Supracoŭniki RAUS Homiela raskryli schiemu kradziažu praduktaŭ charčavańnia, pryznačanych dla hatavańnia ježy ŭ školnych stałovych.
Kryminalnaja sprava pa artykule «Kradziež šlacham złoŭžyvańnia słužbovymi paŭnamoctvami» raspačata ŭ dačynieńni da žychara abłasnoha centra, a taksama zahadčycy vytvorčaściu i tavaraznaŭca KUP «Homielski haradski kambinat školnaha charčavańnia».
U kožnaha fihuranta była svaja rola. Zahadčyca stałovaj adpraŭlała na skład kambinata štodzionnyja zajaŭki na pradukty. Pry hetym u dakumientach jana zavyšała kolkaść navučencaŭ. Takim čynam utvaralisia liški, jakija tavaraznaŭca pradpryjemstva afarmlała «lipavymi» nakładnymi i pakidała na składzie. Padroblenyja dakumienty padpisvała zahadčyca, što dazvalała saŭdzielnikam doŭhi čas utojvać parušeńni.
Vykradzienyja krupy, miasa, zhuščanaje małako, cukar, krabavyja pałački i inšaje vyvoziŭ z terytoryi pradpryjemstva znajomy tavaraznaŭcy.
Dalej tavary pradavalisia pa zanižanych cenach. Miarkujecca, što mahčymymi pakupnikami byli indyvidualnyja pradprymalniki, u tym liku z Rasii. Bolšuju častku vyručki zahadčyca pakidała sabie, a astatniaja suma dzialiłasia pamiž zmoŭščykami.
Złačynnaja dziejnaść ažyćciaŭlałasia z krasavika pa śniežań minułaha hoda. Za hety čas padazravanyja vykrali tavar na sumu zvyš 46 tysiač rubloŭ.
