Pra heta žurnalistam paviedamiŭ ministr zamiežnych spraŭ Biełarusi Uładzimir Makiej, piša Radyjo Svaboda.
Uładzimir Makiej skazaŭ, što prapanova ab praviadzieńni samita «Uschodniaha partniorstva» ŭ 2019-m hodzie ŭ Minsku «abmiarkoŭvałasia z našymi jeŭrapiejskimi partniorami»:
«My chočam pakazać, što Uschodniaje partniorstva nie skiravanaje suprać niejkich trecich krain, jakija nie ŭvachodziać u hetuju inicyjatyvu, a što jano źjaŭlajecca prahmatyčnym, aryjentavanym na patreby ludziej prajektam. My chočam pakazać, što ŭ ramkach hetaha partniorstva treba pravodzić idei, skiravanyja na zbližeńnie ŭ našym rehijonie.
Tamu biełaruski bok prapanavaŭ abmierkavać mahčymaść praviadzieńnia mierapryjemstva vysokaha ŭzroŭniu ŭ adnoj z šaści krain, jakija ŭvachodziać u prahramu Uschodniaha partniorstva, u pryvatnaści ŭ Biełarusi».
Uładzimir Makiej paviedamiŭ, što ciapier hetaja prapanova abmiarkoŭvajecca, i vykazaŭ aficyjnuju biełaruskuju pazicyju:
«My ličym lubyja prajekty ŭ ramkach «Uschodniaha partniorstva» pavinny być nakiravanyja nie da dalejšaha nahniatańnia kanfrantacyi i pahłybleńnia raskołu ŭ našym rehijonie, a na zbližeńnie pamiž roznymi kanfliktujučymi krainami».