Alaksandr Łukašenka pavinšavaŭ biełarusaŭ z Dniom abaroncaŭ Ajčyny.
«Heta śviata ŭvasablaje saboj ratnuju dobleść našaha naroda i pierajemnaść pakaleńniaŭ u samaaddanym słužeńni Radzimie. Za hady niezaležnaści ŭ krainie była stvorana sučasnaja, asnaščanaja najnoŭšymi ŭzorami ŭzbrajeńniaŭ i techniki armija, zdolnaja efiektyŭna vyrašać pastaŭlenyja zadačy i dać dastojny adpor lubomu ahresaru», — havorycca ŭ vinšavańni.
«Pierakanany, što vajennaja arhanizacyja dziaržavy nadziejna harantuje jaje biaśpieku va ŭmovach novych hłabalnych vyklikaŭ i pahroz, a mir i spakoj na biełaruskaj ziamli buduć harantavany i ŭ dalejšym, bo abarona Ajčyny ŭ nas maje ŭsienarodny charaktar», — miarkuje Łukašenka i zaznačaje, što ŭ hod 75-hodździa vyzvaleńnia krainy ad niamiecka-fašysckich zachopnikaŭ heta śviatočnaja data nabyvaje asablivuju značnaść.
