radiopolsha.pl
Polšča maje namier u najbližejšyja hady patracić kala 45 miljardaŭ jeŭra na madernizacyju svaich Uzbrojenych sił. Pra heta zajaviŭ ministr nacyjanalnaj abarony Maryjuš Błaščak.
«Ja padpisaŭ adzin z najvažniejšych dakumientaŭ — Płan techničnaj madernizacyi da 2026 hoda», — raspavioŭ kiraŭnik Minabarony. Pavodle jaho słoŭ, ahulny košt ŭsioj prahramy składaje 185 miljardaŭ złotych (amal 45 miljardaŭ jeŭra).
Pavodle infarmacyi viedamstva, płan — adzin sa stratehičnych dakumientaŭ Uzbrojenych sił. Jon uklučaje ŭ siabie niekalki prahram madernizacyi armii. U pryvatnaści, dakumient praduhledžvaje raźvićcio apieratyŭnych mahčymaściaŭ i nabyćcio sučasnaha ŭzbrajeńnia.
«Heta rekordny płan, kali kazać pra jaho košt. Heta, viadoma, vialiki vyklik, ale taksama vialikaja mahčymaść raźvić abaranazdolnaści polskaha vojska. My majem namier rašuča i efiektyŭna źmianiać abličča polskaha vojska, padrychtavany jaje sučasnym uzbrajeńniem, a taksama pavialičvajučy jaje kolkaść. My majem namier paśladoŭna hetym zajmacca», — adznačyŭ kiraŭnik Minabarony Polščy.
