Ministr abarony Vieniesueły Padryna Łopies raspavioŭ, što daŭ rasparadžeńnie nakiravać u Minfin ZŠA śpis vyšejšych aficeraŭ, kab ministerstvu było praściej ŭvodzić sankcyi. Pra heta jon napisaŭ u svaim akaŭncie ŭ Twitter.
«Ja zahadaŭ pieradać u Minfin ZŠA poŭny śpis hienierałaŭ i admirałaŭ Uzbrojenych sił, kab palehčyć zadaču ŭvodzić pa kvotach sankcyi suprać revalucyjnych prychilnikaŭ Kanstytucyi i nacyjanalnaha suvierenitetu», — skazaŭ jon ź ironijaj.
Aŭtarytarny režym Madura ŭ Vieniesuele praciahvaje ŭtrymlivać uładu, niahledziačy na piermanientny ekanamičny kryzis. Madura tatalna kantraluje ŚMI, palityzavaŭ siłavyja struktury i absadziŭ sudy pravieranymi i zaležnymi ad siabie ludźmi. Čavistam Madura procistaić parłamient na čale z Chuanam Huajdo, jaki abviaściŭ siabie vykanaŭcam abaviazkaŭ prezidenta. ZŠA vystupajuć na baku apošniaha.