Ministr unutranych spraŭ Biełarusi Uładzimir Navumaŭ zajaviŭ, što nie pojdzie ŭ adpačynak, pakul nie budzie raskryta złačynstva, źviazanaje z vybucham u noč na 4 lipienia ŭ Minsku.
Jon adznačyŭ, što ŭ źviazku z hetym buduć rabicca «dastatkova surjoznyja» zachady dziela biaśpieki padčas navahodnich śviataŭ.
Milicyja pieraviedziena na ŭzmocnieny režym słužby z 24 śniežnia.
U. Navumaŭ taksama adznačyŭ, što 2008 hod byŭ «samym udałym pa kryminahiennaj situacyi za ŭsiu historyju suvierennaj Biełarusi».
Adnak jon ličyć, što nie ŭdałosia vyrašyć prablemu biaśpieki darožnaha ruchu. Taksama surjoznaj prablemaj zastajecca ałkahalizacyja nasielnictva i źviazanaja ź joju złačynnaść.
Pavodle ministra Navumava, pakul na kryminahiennuju situacyju ŭ krainie asabliva nie ŭpłyvaje suśvietny finansavy kryzis. Spadar Navumaŭ miarkuje, što, niahledziačy na finansavyja prablemy ŭ śviecie, u Biełarusi «kolkaść ciažkich złačynstvaŭ budzie skaračacca».
«Z druhoha boku, ja chacieŭ by, kab finansavy kryzis zakranuŭ peŭnyja słai nasielnictva, i jany pierastali pić», — skazaŭ ministr.
