Alaksandr Łukašenka padpisaŭ ukaz №104 «Ab administracyjna-terytaryjalnym uparadkavańni Bresckaj, Hrodzienskaj i Minskaj abłaściej», paviedamlaje BiełTA.
Miežy hetych abłaściej byli vyznačanyja bolš za 60 hadoŭ tamu, u 1950-ja hady. Z-za mielijaracyjnych i inšych rabot, budaŭnictva abjektaŭ transpartnaj infrastruktury miežy pierastali supadać ź ćviordymi konturami miascovaści (rekami, mielijaracyjnymi kanałami, darožnaj sietkaj, lasnymi masivami, prasiekami i inšymi).
Ukaz praduhledžvaje vyznačeńnie z 1 śniežnia 2019 hoda miež Bresckaj, Hrodzienskaj, Minskaj abłaściej, ich rajonaŭ i horada Žodzina, ažyćciaŭleńnie rehistracyi i ŭliku źmien administracyjna-terytaryjalnaha ŭładkavańnia abłaściej, rajonaŭ, sielsavietaŭ u Adzinym rejestry administracyjna-terytaryjalnych i terytaryjalnych adzinak Biełarusi.
Miežy Bresckaj vobłaści i jaje rajonaŭ, jakija supadajuć ź biełaruska-ŭkrainskaj miažoj, buduć źmienieny paśla zaviaršeńnia demarkacyi.
Hramadzianie, indyvidualnyja pradprymalniki i jurydyčnyja asoby buduć vyzvalenyja ad płaty za ŭniasieńnie źmianieńniaŭ u dakumienty. Dziejańnie dahavoraŭ arendy ziamielnych učastkaŭ, miežy jakich źmianiajucca, zachoŭvajecca da spynieńnia terminu arendy.
