1 studzienia pryjechali ŭ horad niejkija chłapcy i skupili ŭ valutčykaŭ amal usiu valutu, tyja navat z domu pryciahvali zapasy. Piša Rusłan Raviaka.
Navahodni padarunak ŭ vyhladzie padzieńnia kursu biełaruskaha rubla ŭžo paśpieŭ paradavać i zasmucić usich žycharoŭ našaj krainy. Paradavać tych, chto maje kredyty ŭ biełaruskich rublach ci vialikija źbieražeńni ŭ valucie, zasmucić usich astatnich.
Novaja bajka hulaje pa Baranavičach:
1 studzienia pryjechali ŭ horad niejkija chłapcy i skupili ŭ valutčykaŭ amal usiu valutu, tyja navat z domu pryciahvali zapasy.Matyvavali heta tym, što terminova treba nabyć mašyny, a banki j abmieńniki nie pracujuć... Jakoje ž było źziŭleńnie valutčykaŭ, kali na nastupny dzień abvieścili novyja kursy Nacbanku. Jak kažuć — roznyja mahčymaści ŭ roznych ludziej, ale hałoŭnaje — svoječasovaje vałodańnie infarmacyjaj.
Narod naš dasiul vieryć u svajactva i siabroŭstva – novyja ž kursy niechta rychtavaŭ, a tamu pa‑čałaviečamu zrazumieła, što zahadzia moh pad sakretam šapnuć svaim... Jak za savieckimi časami. Zrešty, z tymi savieckimi časami ludzi i paraŭnoŭvajuć sučasnyja padziei. Sioleta (u 2009 hodzie) čuŭ u aŭtobusie razvažańni starych – maŭlaŭ,
paru apošnich hadoŭ my žyli jak u zastoi – było ŭsio. Apošnija ž padziei paraŭnoŭvali z reformaj Paŭłava 1990 hodu, pračnulisia rankam i...
Adzin pensijanier skardziŭsia, što pavieryŭ u niepachisnaść našaha rubla i za miesiac da hetaha pieravioŭ usiu valutu (jakaja zaduryła starečuju hałavu ŭ apošni čas svaimi skokami) u «zajcy», dy pakłaŭ ich u bank pad 20% hadavych! Na śviaty banki pazačyniali j navat zabrać svaje hrošy nia možna, bo ad plastykavaj kartki admoviŭsia z ekanamičnych mierkavańniaŭ.
Užo
3 studzienia prosty lud łamanuŭsia ŭ tolki adčynienyja paśla śviataŭ dziaržaŭnyja ŭniviermahi, bo pryvatnyja spres pazačynialisia na pieralik. Skupali ŭsio,jak žartavali, «pa źnižkach» – adnosna novaha kursu dalaru. Kolkaść ludziej na vulicach, što ciahnuli televizary, prałki i DVD‑prajhravalniki navat pierasiahała kaladny rasprodaž.
Zrešty, toje padzieńnie našaha rubla pojdzie na karyść ajčynnym pradpryjemstvam, što pracujuć na ekspart. Ceny na našu pradukcyju pajšli dołu, kali pieravodzić na valutu. Tamu niejkaja kankurencyja ŭ śviecie budzie. Pakul raspradaduć toje, što na składach. Bo paślanavahodniaja pradukcyja, na žal, budzie daražejšaju – za tyja samyja enierhanośbity płacim valutaju...
-
«Sproby stvaryć Łukašenku vobraz «samaha čałaviečnaha čałavieka» tolki padkreślivajuć krajniuju nialudskaść sistemy»
-
Sieviaryniec: U administracyi SIZA pierakošvała tvary ad adnoj zhadki proźvišča Cichanoŭskaha
-
Juval Noj Charary: Štučny intelekt pieratvaryŭsia ŭ nož, jaki chutka budzie sam vyrašać, kaho zabić
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary