Były ministr sielskaj haspadarki pra adstaŭku Rusaha: «Jon pavinien nakryć stoł i śviatkavać, što žyvym syšoŭ!»

Alaksandr Łukašenka 27 sakavika zvolniŭ niekalkich top-čynoŭnikaŭ, siarod jakich ministr sielskaj haspadarki Leanid Zajac i vice-premjer Michaił Rusy, jaki kuryravaŭ hetuju ž śfieru.

Pavialičyć

Čytajcie: Recha Škłova: zvolnieny vice-premjer Rusy i ministr Zajac

Jak možna acanić hetaje rašeńnie, ci dapamoža heta halinie? 

«Naša Niva» pahavaryła z adnym z byłych ministraŭ sielskaj haspadarki. Ale hety čałaviek nie choča, kab my nazyvali jahonaje imia, kaža, što ŭžo pranios dziaržaŭnuju nošu i nie choča znoŭ publična zhadvacca. 

Što jon dumaje pra łukašenkaŭski raznos? 

«Kožny ź ich — i Lonia [Zajac], i Miša [Rusy] — staralisia. Kožny ź ich ukłaŭ usiu svaju dušu i paznańni, jakija byli ŭ ichniaj hałavie. A kolki ich u kaho było? Voś ad hetaha i zaležaŭ vynik.

Ci spraviadliva, što Rusaha vyhnali voś tak? Dy jon budzie ŭdziačny takomu skančeńniu! Heta cudoŭna, cudoŭna dla čałavieka — svaboda! Bo jak tam robiš, nie viedaješ cany hetaj svabody, a kali jaje atrymaješ… dyk sam pačynaješ razumieć, jak ty niedaaceńvaŭ heta. Jon užo pavinien nakryć stoł i śviatkavać, što žyvym syšoŭ», — skazaŭ «Našaj Nivie» eks-čynoŭnik. 

«Ale ŭ hetaj častcy prezident absalutna maje racyju. Asabliva pa pamočniku, pa Łaŭrankovu. Nu jołup apošni ź jołupaŭ, tormaz APK, čamu jaho tak nablizili? Ruki źviazvaŭ lubomu i kožnamu. Hetym rosčyrkam piara ŭzdychnie choć častka ludziej, jakija tam ciapier. Ad despata vyzvalili. U jaho adzin pryncyp: «tak nielha, a jak — ja nie viedaju», — dadaŭ jon.

Što b było ŭ Jeŭropie, kab umoŭny kancler Aŭstryi pabačyŭ takuju karcinu na fiermie?

«U Jeŭropie nie moža być takoha, tam ža pryvatnik. Kali 100% akcyj naležyć vykankamu, to pytańnie ŭsim nam: a chto haspadar? Jaki ž durań siońnia budzie ciahnuć lamku, hladzieć za technałohijaj, kali jon tam — nichto? Najmit. Ni puhaj, ni žalezam kalonym ty jaho nie prymusiš pracavać jak maje. A kab byŭ ułaśnik, to jon viedaje, što budzie kłaści ŭ kišeniu kapiejku, adkryvać darohu žyćcia dzieciam svaim. Z pryvatnaha i dziaržaŭnaha razam i składvajecca siła dziaržavy, a nie tolki ź dziaržaŭnaha», — dadaŭ eks-ministr. 

Ministry sielskaj haspadarki Biełarusi

1. Fiodar Miračycki (1991—1994)
2. Vasil Lavonaŭ (1994—1997)
3. Ivan Šakoła (1997—1998)
4. Juryj Maroz (1998—2000)
5. Vadzim Papoŭ (lipień — listapad 2000)
6. Michaił Rusy (2001—2003)
7. Zianon Łomać (lipień — śniežań 2003)
8. Vasil Dvaraninavič (2003—2004)
9. Leanid Rusak (2004—2008)
10. Siamion Šapira (2008—2010)
11. Michaił Rusy (2010—2012)
12. Leanid Zajac (2012—2019)

• 0
• 0
• 0
• 0
• 0
• 0
• 0
• 0