Alaksandr Milinkievič: Devalvacyja była praviedzienaja zapozna
Lider Ruchu za Svabodu Alaksandr Milinkievič pra devalvacyju.
«Naša Niva»: Jak Vy aceńvajecie praviedzienuju devalvacyju?
Alaksandr Milinkievič: Siońnia absalutnaja balšynia biełaruskich ekanamistaŭ ličyć, što devalvacyja była niepaźbiežnaj. Jość istotnyja razychodžańni tolki ŭ acenkach mietadaŭ jaje praviadzieńnia: pastupova, u zaležnaści ad rostu deficytu płaciežnaha bałansu, albo adnarazova, da apošniaha momantu utrymlivajučy abmienny kurs rubla. Ja liču, što ŭ vyniku zapoźniena pryniataha rašeńnia stračana vialikaja častka zołatavalutnych reziervaŭ krainy, šmat stracili našy eksparciory i, da taho ž, padarvany davier nasielnictva nie tolki da siońniašniaj kiroŭnaj hrupoŭki, ale i da dziaržaŭnych instytutaŭ Biełarusi. Heta stavić pad pahrozu niezaležnaść našaj dziaržavy.
«NN»: Jakija šlachi vychadu z kryzisu Vam bačacca?
AM: Zrazumieła, devalvacyja nie vyrašyć usich paŭstaŭšych prablemaŭ, jak nie vyrašać ich i atrymanyja kredyty. Usio zaležyć ad nastupnych dziejańniaŭ biełaruskich uładaŭ. Nieabchodna pryniaćcie realnych krokaŭ pa libieralizacyi ekanomiki, strukturnych reformach, pryvatyzacyi pradpryjemstvaŭ, pryčym nie tolki pramysłovych, ale i transpartnych, žyllova‑kamunalnych i inšych. Kaniečnie, lubyja reformy pavinny praduhledžvać efiektyŭnuju sacyjalnuju abaronu adpaviednych sacyjalnych hrup nasielnictva.
Viadoma, što adaptacyja Biełarusi da novych ekanamičnych varunkaŭ nie zmoža adbycca biez surjoznych inviestycyjnych prajektaŭ. U svaju čarhu apošniaje zaležyć ad libieralizacyi nie tolki ekanamičnych dačynieńniaŭ, ale i hramadska‑palityčnaj śfiery. Razmova idzie pra svabodu dziejnaści ŚMI, hramadskich abjadnańniaŭ, palityčnych partyjaŭ, prafsajuzaŭ, pra biezumoŭnaha zachavańnia pravoŭ čałavieka. A značyć treba, kab tolki pačatyja ŭ hetych kirunkach zachady nabyvali sistemny i niezvarotny charaktar.
Kamientary