Prezident Biełarusi Alaksandr Łukašenka ličyć, što situacyja na valutnym rynku krainy stabilizujecca.Takuju dumku jon vykazaŭ siońnia ŭ čas razhladu kadravych pytańniaŭ, paviedamili BIEŁTA u pres‑słužbie kiraŭnika dziaržavy.
Alaksandr Łukašenka zaklikaŭ ludziej supakoicca:
«Usie zadajucca pytańniem: a jak dalej budzie? Dalej budzie narmalna. Biehčy ŭ abmieńniki nie treba. Skažu ščyra: devalvacyja nacyjanalnaj valuty na 20 pracentaŭ adbyłasia pa dźviuch pryčynach.
Pa‑pieršaje, Rasija — naš bujny handlovy partnior, i našy eksparciory pry mocnym biełaruskim rubli pačali nieści vialikija straty pry handli na jaje rynkach. Tamu nam daviałosia pajści na hety krok. I lepš było pravieści devalvacyju za adzin raz.
Košt dołara ŭ siarednim uzros na 400 rubloŭ. Heta paraŭnalna niašmat, ale my padtrymali rabotnikaŭ vytvorčaści.Hałoŭnaje ciapier — vytvorčaść, bo budzie vytvorčaść — budzie i rubiel, budzie ŭsio. Nie budzie vytvorčaści — nie budzie i rubla.
Pa‑druhoje, Mižnarodny valutny fond prapanavaŭ Biełarusi dobry kredyt, navat lepšy, čym dała Rasija.Ale było dva patrabavańni: nie pavyšać zarabotnuju płatu, nie razdavać biełaruskija rubli, tamu što narod pojdzie mianiać ich na dołary ŭ abmieńnikach (choć my nie zusim zhadzilisia, ale znajšli kampramis), i druhoje — kab my na 20 pracentaŭ razava devalvavali rubiel. Heta było patrabavańnie MVF. I amal za $3 młrd., jakija jany nam prapanavali, na heta treba było iści. Tym bolš što devalvacyju treba było i tak ažyćciaŭlać z‑za našaj ekspartaaryjentavanaj ekanomiki».
Pavodle słoŭ kiraŭnika dziaržavy, biełarusam nie treba «biehčy ŭ abmieńniki i
kuplać pa šalonych cenach dołary».«Nieviadoma, što jašče budzie z dołaram i jeŭra. Kali chto‑niebudź choča ŭkłaści svaje hrošy ŭ tavary — heta pravilna. Ale kuplać try, piać, dziesiać televizaraŭ abo chaładzilnikaŭ z raźlikam na toje, što heta dobraje ŭkładańnie srodkaŭ, — heta poŭnaje hłupstva, tamu što ceny na tavary padajuć. Hrošy treba trymać u bankach», — skazaŭ Alaksandr Łukašenka.
U dalejšym, ličyć Prezident, situacyja stabilizujecca. «My navat raźličvajem, što nam treba budzie ŭmacoŭvać rubiel, a dołar stanie tańniejšy. Budzie ŭsio zaležać ad nasielnictva i ad taho, jak budzie składvacca situacyja na rynku. I jašče, u Biełarusi ŭsie ž za rubiel žyvuć, dy my i ciapier pavyšajem pryvabnaść našaj valuty. Hałoŭnaje — vytvorčaść i prodaž tavaraŭ, treba šukać rynki i pradavać pradukcyju», — skazaŭ na zakančeńnie kiraŭnik dziaržavy.
