I heta skazana nie dla pryhožaha słoŭca — try matčy z vaśmi na minułym tydni skončylisia z razhromnym likam. Kali bujnuju pieramohu BATE nad «Enierhietykam-BDU» jašče možna było pradkazać, to razhrom mocnaha «Niomana» salihorskim «Šachcioram», a tym bolš kapitulacyju «Słucka» pierad «Homielem» ź likam 0:6 — naŭrad ci. Viasieńni futboł, kažacie?
Fota: «Słucki kraj».
U sieradu prajšli pieršyja matčy paŭfinałaŭ Kubka krainy, vyniki jakich taksama składana nazvać čakanymi. «Isłač» na svaim poli paśla pieršaha tajma viała 2:0, ale nie zdoleła davieści hulniu da pieramohi — ničyja 2:2. A voś u Viciebsku haspadary, što zabuksavali na starcie čempijanatu, pakazali ŭpeŭnienuju hulniu i minimalna adoleli minskaje «Dynama».
Ciapier bolš padrabiazna pra matčy nastupnaha tura vyšejšaj lihi.
«Dniapro» — «Słavija»
- 12.04, 19:00. Mahiloŭ, stadyjon «Spartak»
- Kaeficyjenty: «Dniapro» (pieramoha) — 2.46; ničyja — 3.04; «Słavija» (pieramoha) — 2.99
Kamandam z Mahilova i Mazyra nie pašancavała z raskładam na starcie čempijanatu: abiedźvie kamandy sustrakalisia z pretendentami na miedali i pradkazalna sastupili.
U piatnicu novaje «Dniapro» ŭpieršyniu źjavicca pierad mahiloŭskimi zaŭziatarami. Kab zavajavać hladackuju padtrymku, važna nie abłažacca. Ale heta budzie vielmi składana, bo «Słavija», niahledziačy na parazy, demanstruje pryvabny futboł.
Prahnoz «NN»: «Słavija» nie prajhraje.
«Tarpieda-BiełAZ» — «Minsk»
- 13.04, 14:30. Žodzina, stadyjon «Tarpieda»
«Minsk» u pieršych dvuch turach sustrakaŭsia z čaćviortaj i treciaj kamandaj letašniaha pieršynstva, i abodva matčy skončylisia biezhalavymi ničyimi. Składana skazać, ci zadavolenaje takim startam kiraŭnictva «haradžan», ale majuć što majuć.
Žodzincy paśla kryŭdnaj parazy ad bresckaha «Dynama» pryvieźli pieramohu z Mazyra. Kab nie adstavać ad lidaraŭ, treba šukać klučy da pakul biezdakornaj abarony «Minska».
Prahnoz «NN»: totał mienšy za 2.5.
«Homiel» — «Enierhietyk-BDU»
- 13.04, 16:30. Homiel, stadyjon «Centralny»
Za ŭsie 30 turaŭ minułaha čempijanatu «Homiel» adznačyŭsia 16 hałami. Za dva tury sioletniaha «bieła-zialonyja» zabili ŭžo 8.
U Słucku chet-trykami adznačylisia Bołaŭ i Kvašuk, apošni z čatyrma hałami ŭznačaliŭ śpis bambardziraŭ lihi.
«Enierhietyk-BDU» pakul nie zabiŭ ani razu i pasprabuje heta zrabić u Homieli.
Prahnoz «NN»: »Homiel» pieramoža.
BATE — «Dynama-Brest»
- 14.04, 15:00. «Barysaŭ-Arena»
Hod tamu brescki kłub abiacaŭ pakinuć Barysaŭ biez čempijonstva. Atrymałasia nie vielmi — ciapier historyja pajšła pa druhim kole. Tym bolš Supierkubak znoŭ zastaŭsia za Brestam.
Fota: ABFF.
Adroźnieńnie ŭ tym, što «Dynama» letaś niaŭdała startanuła, a sioleta maje dźvie pieramohi paśla dvuch turaŭ. A dla BATE niadzielnaja hulnia — šaniec dakazać, što ŭ ich jašče rana adbirać status hiehiemona.
Prahnoz «NN»: BATE nie sastupić.
«Isłač» — «Nioman»
- 14.04, 17:00. Stadyjon FK «Minsk»
Kamanda Vitala Žukoŭskaha niečakana astupiłasia ŭ hulni suprać minskaha «Tarpieda», prajhraŭšy ź likam 0:1. Z ulikam kubkavaj hulni ŭ niadzielu «Isłač» zhulaje treci matč za tydzień.
Ci vytrymaje taki hrafik kamanda ź Minskaha rajona — toje jašče pytańnie. Ź inšaha boku, apošniaja sustreča «Isłačy» z «Niomanam» skončyłasia ź likam 6:0 na karyść haradziencaŭ — tamu bližejšy matč musić stać zvyšpryncypovym.
Prahnoz «NN»: totał bolšy za 2.5.
«Viciebsk» — «Tarpieda-Minsk»
- 14.04, 18:45. Viciebsk, CSK «Viciebski»
Viciebčuki blakła raspačali čempijanat, ale pieramoha ŭ pieršaj paŭfinalnaj hulni Kubka musić dadać pazityvu jak hulcam, tak i zaŭziataram «Viciebska».
Fanaty «Viciebska» pryśviacili banier bramniku Andreju Ščarbakovu, što trahična zahinuŭ u śniežni minułaha hoda. Fota Aleha Klimoviča.
«Aŭtazavodcy» zdoleli atrymać vielmi važnuju pieramohu ŭ minułym tury, ale praciahnuć pieramožny chod budzie vielmi składana. Letaś abiedźvie vočnyja sustrečy skončylisia na karyść kamandy z poŭnačy Biełarusi.
Prahnoz «NN»: «Viciebsk» pieramoža.
«Dynama-Minsk» — «Haradzieja»
- 14.04, 20:45. Minsk, stadyjon «Dynama»
Supraćstajańnie kamand, što demanstrujuć niakidkuju hulniu. U pryncypie, heta było pradkazalna: «Dynama» paśla abnaŭleńnia ŭsio sprabuje namacać svaju hulniu, a «Haradzieja» pry Jaromku zaŭsiody tak startuje.
«Dynama» paśla dvuch naminalnych chatnich matčaŭ na «Kamvolščyku» viartajecca na rodny stadyjon. Mahčyma, heta dapamoža kamandzie Pilipčuka pakazać jaskravy futboł?
Prahnoz «NN»: totał mienšy za 2.5.
«Šachcior» — «Słuck»
- 15.04, 19:00. Salihorsk, stadyjon «Budaŭnik»
«Słuck» papaŭ dyk papaŭ. Dźvie hulni doma, 0 zabitych i 6 prapuščanych miačoŭ, adzin harotny turnirny bał, a napieradzie majačyć katok u vyhladzie salihorskaha «Šachciora».
Hod tamu «Słuck» zdoleŭ abyhrać salihorcaŭ i zvolnić Mareka Zuba, ale Siarhiej Tašujeŭ naŭrad ci adździačyć słuččakam za toje, što vyzvalili dla jaho miesca pracy.
Prahnoz «NN»: «Šachcior» pieramoža.
Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
Tym bolš Marafon prapanuje vydatnuju mahčymaść dla ŭsich novych klijentaŭ zrabić biasprojhryšnuju pieršuju staŭku. Kab zrabić heta, treba zarehistravacca na sajcie i ŭvieści promakod START. Zyčym pośpiechaŭ!
