FOTA DAI Mahabłvykankama
U Białynickim rajonie 11 krasavika sutyknulisia fura DAF i vajenny «HAZ-66», paviedamili ŭ DAI vobłaści. Paciarpieli piać čałaviek - kiroŭca hruzavika, pasažyr i try čałavieki, jakija znachodzilisia ŭ kuzavie, paviedamlaje abłasnoje DAI.
43-hadovy žychar Maładziečna jechaŭ na DAF pa darozie Minsk — Mahiloŭ. U 16.50 jon adciahnuŭ uvahu ad kiravańnia i ŭrezaŭsia ŭ vajenny «HAZ-66», što taksama ruchaŭsia pa darozie. Hruzavik jechaŭ pa krajniaj pravaj pałasie, bo pačaŭ hłuchnuć padčas ruchu z-za pierabojaŭ u pracy ruchavika.
Fota DAI
Ad udaru kuzaŭ «HAZ», u jakim znachodzilisia try čałavieki, sarvała z ramy, hruzavik pierakuliŭsia.
Cialesnyja paškodžańni atrymali kiroŭca hruzavika, pasažyr, jaki jechaŭ u kabinie, i troje, jakija znachodzilisia ŭ kuzavie.
Pa papiarednich dadzienych, abodva kiroŭcy byli ćviarozymi. Abstaviny DTZ vyśviatlajucca.
