Rezkaj devalvacyi nacyjanalnaj valuty ŭ Biełarusi bolš nie budzie. Ab hetym zajaviŭ žurnalistam staršynia praŭleńnia Nacyjanalnaha banka Piotr Prakapovič 12 studzienia pa vynikach dakładu prezidentu.
«U pačatku hoda była praviedziena razavaja devalvacyja. Heta sihnał usiamu nasielnictvu ab tym, što bolš razavaj devalvacyi ŭ nas nie budzie.My poŭnaściu vykanali svaje abaviazacielstvy, i bolš niama nieabchodnaści pravodzić razavuju devalvacyju», — cytuje kiraŭnika Nacbanka pres-słužba kiraŭnika dziaržavy.
Prakapovič nahadaŭ ab tym, što Biełaruś viała aktyŭnyja pieramovy ź Mižnarodnym valutnym fondam pa pryciahnieńni kredytnych resursaŭ. U kancy 2008 hoda MVF daŭ papiaredniuju zhodu na vydzialeńnie našaj krainie kredytu ŭ pamiery 2,5 młrd. dołaraŭ. Ale padčas pieramoŭ vostraja dyskusija razharnułasia nakont nieabchodnaści devalvacyi biełaruskaha rubla, zaznačyŭ kiraŭnik Nacbanka. Pryncypovyja razychodžańni ŭ bakoŭ byli pa tym, jak mienavita jaje pravieści: adnamomantna abo pastupova. «Da kanca minułaha hoda my adstojvali pazicyju, što treba pravodzić pastupovuju devalvacyju biełaruskaha rubla, ale potym Nacyjanalnym bankam było pryniata rašeńnie ab praviadzieńni adnamomantnaj devalvacyi», — skazaŭ Prakapovič. Jon patłumačyŭ, što Nacbanku daviałosia dakładna reahavać na imklivaje źmianieńnie situacyi.
Pavodle słoŭ hałoŭnaha bankira, va ŭmovach suśvietnaha kryzisu Biełarusi nie zastajecca ničoha inšaha jak prymać svoječasovyja, choć i niepapularnyja, miery, jakija b maksimalna stymulavali raźvićcio ekanomiki, eksparcioraŭ, vytvorcaŭ.Z hetaha punktu hledžańnia najbolš efiektyŭnaj była razavaja devalvacyja, zaznačyŭ jon. Pastupovaja devalvacyja nie maje takoj efiektyŭnaści.
Što ž da takich niehatyŭnych faktaraŭ adnamomantnaj devalvacyi, jak pavyšeńnie cen na impartnyja tavary, to ŭ lubym vypadku pavyšeńnie cen na praciahu niejkaha času adbyłosia b, ličyć Prakapovič.
Pavodle jaho słoŭ, adnosna pamieru devalvacyi (20%) u Nacbanka roznahałośsiaŭ z MVF nie było.
Vyniki raboty ekanomiki ŭ pieršyja dni 2009 hoda havorać ab tym, što rašeńnie ab praviadzieńni razavaj devalvacyi było pryniata pravilnaje, ličyć hałoŭny bankir. «Situacyja na valutnym rynku ŭ častcy raboty bankaŭ z nasielnictvam za pieršyja dni novaha hoda ŭ paraŭnańni sa śniežniem 2008 hoda nie pahoršyłasia. Niahledziačy na pavyšany popyt na valutu, u cełym jon zastavaŭsia na ŭzroŭni śniežnia. Peŭnyja ciažkaści z nabyćciom valuty ŭźnikali ŭ suviazi z tym, što banki svoječasova nie mahli spravicca z adnamomantnym vysokim popytam na valutu. Ciapier valuta zavieziena ŭ banki ŭ nieabchodnym abjomie», — pryvodzić pres-słužba słovy Prakapoviča.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier

Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu

Kamientary