Delfi
Valdemar Tamašeŭski, lidar palityčnaj partyi «Vybarčaja akcyja palakaŭ Litvy» i adzin z kandydataŭ na pasadu litoŭskaha prezidenta, u intervju Delfi skazaŭ, što ŭ vypadku abrańnia jahony pieršy aficyjny zamiežny vizit byŭ by ŭ Minsk.
Jon patłumačyŭ heta tym, što dla Litvy vielmi važnaje supracoŭnictva ź Biełaruśsiu.
«Litva ŭ supracoŭnictvie ź Biełaruśsiu moža atrymać šmat vyhadaŭ, naprykład, z hledzišča tranzitu biełaruskich hruzaŭ praz Kłajpiedski port. Tym nie mienš, my možam šmat stracić, kali prytrymlivacca, ja b skazaŭ, vajennaj rytoryki», — skazaŭ jon.
Voś tolki rejtynh Tamašeŭskaha mizerny. Pavodle Delfi, za jaho hatovy prahałasavać usiaho 1,9% vybarcaŭ. Heta siomaje miesca ź dzieviaci kandydataŭ.
Lidzirujuć ekanamist i bankir Hitanas Nausieda (jahony rejtynh 27,9%). Na druhim miescy kansiervatar Inhryda Šymanicie — 24,8%, na trecim — premjer Saŭlus Skviarnialis (14,5%).
Pieršy tur — 12 maja.
Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam29
Kamientary