Prezident Ukrainy Piatro Parašenka zajaviŭ, što kandydat u prezidenty Uładzimir Zialenski prymiaraje vobraz hieroja ź sieryjała «Słuha naroda», adnak nasamreč pradstaŭlaje intaresy źbiehłaha aliharcha Ihara Kałamojskaha.
Pra heta jon zajaviŭ padčas debataŭ na stadyjonie Alimpijski ŭ Kijevie.
«Vy nie Hałabarodźka. Vy siudy pryjechali nie na tralejbusie i navat nie na rovary. Vy źjaŭlajeciesia hałoŭnym pravadnikom aliharchaŭ i, dakładna, adnaho źbiehłaha aliharcha. Vy siońnia zakryli svaju dekłaracyju za 2018 hod. Što vy chavajecie ad ukrainskaha naroda? Čaho vy nie adkryjeciesia i nie prademanstrujecie krynicy vašych dachodaŭ? Pakolki za Hałabarodźkam nie stajaŭ Kałamojski z patrabavańniem viarnuć «Pryvatbank» i nie stajaŭ Kałamojski z patrabavańniem viarnuć «Ukrnaftu». My nie pačuli vašaj stratehii», — zajaviŭ jon.
