Alaksandr Łukašenka zaklikaŭ rasijskich palitykaŭ nie pieražyvać z nahody jaho zajaŭ ab suvierenitecie. Pra hetym kiraŭnik dziaržavy zajaviŭ padčas subotnika, paviedamlaje BiełTA.
Čytajcie. Łukašenka: Chto pasprabuje źniščyć Biełaruś, atrymaje adkaz ad moładzi + VIDEA burnaj reakcyi Marzaluka
«Tam ŭnutrany faktar i źniešni [u hetym vykazvańni]. Hetaja tema aktualnaja. I kali ja źviarnuŭsia da jaje, ja prosta vyrašyŭ takim čynam svaimi dumkami [padzialicca], za jakija ja pieryžyvaju. Moža, navat uzmacnić, zrabić akcent na hetym», — patłumačyŭ Łukašenka.
Pavodle jaho słoŭ, unutrany aśpiekt byŭ źviazany z tym, što časam vykazvajucca zdahadki, byccam by Łukašenka ci jašče chtości chočuć uklučyć Biełaruś u skład jakoj-niebudź dziaržavy.
«Kali Łukašenka heta zrobić, jon budzie praklaty narodam. Heta tyčyłasia unutranaha boku pytańnia, — skazaŭ kiraŭnik dziaržavy. — Što tyčycca źniešniaha, historyja viedaje, kolki było vypadkaŭ, kali siłaj tuju ci inšuju dziaržavu ŭklučali ŭ skład inšaj dziaržavy. Tamu heta byŭ i źniešni akcent, što kali chtości aśmielicca, atrymaje adpor».
«Darma pieražyvajuć niekatoryja palityki, asabliva ŭ Rasii. Ja atrymaŭ usiu hetuju infarmacyju: ach, heta suprać Rasii. Frazy hetyja byli nakiravany suprać tych, chto pasprabuje heta zrabić. Heta pa-pieršaje. Pa-druhoje, nakolki ja razumieju, ščyra kažu, Rasija — heta, možna skazać, apłot i našaha suvierenitetu. Nie daj boh niešta zdarycca, ja da hetaha času liču, što my z Rasijaj budziem u akopach razam. Tamu nie treba pieražyvać niekatorym u Rasii palitykam i brać na siabie voś hetyja frazy, jak byccam jany adrasavanyja Rasii», — padkreśliŭ Łukašenka.
