Biełaruś atrymała paŭmiljarda dołaraŭ jašče i ad Vieniesueły.
«U lutym my atrymajem druhi tranš kredytu ad Rasii, MVF pieraličyć adzin miljard, Vieniesueła ŭžo pieraličyła paŭmiljarda dołaraŭ», — skazaŭ u aŭtorak A.Łukašenka.
Aficyjna pra kredyt ad Vieniesueły ničoha dahetul nie paviedamlałasia.
Biełaruś vychodzić na novyja rekordy ŭ zamiežnych zapazyčanaściach. Pa stanie na 1 studzienia 2007 hodu sukupny zamiežny doŭh (uradu, bankaŭ i pradpryjemstvaŭ) składaŭ 6,8 miljardy dołaraŭ, na 1 studzienia 2008 hodu — užo 12,5 młrd, na 1 lipienia 2008 hodu —14,1 młrd, na 1 kastryčnika 2008 hodu — 14,5 młrd.
Z ulikam dvuchmiljardnaje rasijskaje pazyki, jakaja nie ŭličvałasia ŭ kastryčnickich źviestkach, 2,5-miljardnaha kredytu ad MVF i hrošaj ad Uha Čaviesa, doŭh našaj krainy vyraście da 20 miljardaŭ dołaraŭ,abo bolš čym pa 2000 dalaraŭ na kožnaha hramadzianina, ź niemaŭlatami razam.
Pry tym zusim nie fakt, što va ŭmovach mižnarodnaha finansava-ekanamičnaha kryzisu, biełaruskija ŭłady zmohuć abyścisia tolki hetymi hrašovymi pazykami.
0
0
0
0
0
0
