MZS prakamientavała padziei ŭ Vieniesuele: «U Biełarusi z asudžeńniem usprymajuć infarmacyju ab čarhovaj sprobie niekanstytucyjnaha zachopu ŭłady ŭ Vieniesuele i źviaržeńnia zakonna abranaha prezidenta Nikałasa Madury».
«Padobnyja dziejańni paharšajuć situacyju i destabilizujuć abstanoŭku ŭ krainie, raźjadnoŭvajuć vieniesuelskaje hramadstva. U sučasnym śviecie nie pavinna być miesca niekanstytucyjnym prajavam, jakija hruba parušajuć asnovy demakratyi i pryncypy humannaści», — skazana ŭ zajavie.
U MZS Biełarusi pierakananyja, što prablemy, jakija stajać pierad Vieniesuełaj, pavinny vyrašacca vyklučna mirnym šlacham, u ramkach pravavoha pola i Kanstytucyi krainy.
«Rašuča asudžajem lubyja niezakonnyja kroki ŭ dadzienym kantekście i zaklikajem apazicyjnyja palityčnyja siły da mirnaha dyjałohu, jaki źjaŭlajecca adzinym lehitymnym sposabam pošuku rašeńniaŭ pa vychadzie ź situacyi, jakaja skłałasia», — zajavili ŭ biełaruskim źniešniepalityčnym viedamstvie.
