Siońnia, 6 maja kala 11:30 hadzin la siała Bystrec, što ŭ Vierchavinskim rajonie Ivana-Frankoŭskaj vobłaści, hruzavy aŭtamabil ź biełaruskimi turystami źlacieŭ z abryvu vyšynioj 40 m i zvaliŭsia ŭ raku Čorny Čaramoš.
Palicyja vyznačyła, što 47-hadovy kiroŭca aŭtamabila nie daŭ rady kiravańniu na padjomie, u vyniku čaho aŭtamabil pakaciŭsia ŭniz i pierakuliŭsia ŭ raku. Kiroŭca — žychar adnaho ź siołaŭ Kosaŭskaha rajona — byŭ u stanie ałkaholnaha apjanieńnia.
Zahinuli troje čałaviek. Siarod ich i kiraŭnik hrupy 28-hadovy Jaŭhien Ivanoŭ.
Ivanoŭ — uradženiec Słonima. Jon uznačalvaŭ turkłub «Krucim ziamlu». Zarablaŭ na žyćcio tym, što vadziŭ turystaŭ u pachody pa Biełarusi i zamiežžy.
U apošni svoj tur Jaŭhien sabraŭ 23 čałavieki. Z 5 da 7 maja hrupa mieła spłaŭlacca pa race ŭ Karpatach — ale mašyna nie dajechała da punktu, skul turysty płanavali startavać.
Razam ź Ivanovym zahinuli dźvie turystki.
Tamary Ašuchinaj było 27 hadoŭ. Jana rodam z Homiela.
Ciabar Tamary Ašuchinaj Michaił Anańjeŭ raskazvaje, što kali jon paznajomiŭsia ź joj, dziaŭčyna zajmałasia pryrodnymi resursami.
«A ŭ minułym hodzie stała zajmacca arhanizacyjaj navukova-techničnych vystaŭ, jana vielmi razumnaja dziaŭčyna, razmaŭlała na niekalkich movach, cikaviłasia važnymi rečami. Na žal, apošnim časam my ź joj bačylisia redka, ja žyvu nie ŭ Biełarusi. Ale, akramia Tamary, u hetym padarožžy było niekalki maich siabroŭ. Jany lubili vandravać, apošnija hady časta jeździli ŭ roznyja krainy, sprabavali roznyja vidy sportu, niadaŭna ŭ Biełarusi spłaŭlalisia na bajdarkach i voś vyrašyli pajechać u Karpaty na majskija śviaty».
Treciaja zahinułaja — 23-hadovaja Anhielina Juškievič, uradženka Babrujska. Dziaŭčyna žyła ŭ Minsku.
Čytajcie taksama: U Karpatach pa vinie pjanaha kiroŭcy hruzavik ź biełarusami źlacieŭ z 40-mietrovaha abryvu
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»28
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami3030
Kamientary