Zatrymali pradprymalnika, jaki davaŭ pasłuhi biełaruskim turystam, što ŭčora ŭ aŭtamabili HAZ-66 upali ŭ raku ŭ Prykarpaćci, paviedamlaje prakuratura Ivana-Frankoŭskaj vobłaści.

«Pradprymalnika, jaki davaŭ pasłuhi turystam, u jakija ŭvachodziła dastaŭka da miesca pryznačeńnia i spłaŭ pa hornaj race, zatrymali ŭ paradku art. 208 KK Ukrainy i vyrašajecca pytańnie ab paviedamleńni jamu ab padazreńni pa art. 287 KK Ukrainy. Jon praduhledžvaje kryminalnuju adkaznaść za vypusk u ekspłuatacyju technična niaspraŭnych transpartnych srodkaŭ abo inšaje parušeńnie ich ekspłuatacyi», — skazali ŭ pres-słužbie.
Taksama zatrymany kiroŭca. Jamu ŭžo paviedamili pra padazreńnie pa č.3 art. 286 (Parušeńnie praviłaŭ biaśpieki darožnaha ruchu abo ekspłuatacyi transpartu asobami, jakija kirujuć transpartnymi srodkami) KK Ukrainy i vyrašajecca pytańnie ab abrańni jamu miery strymańnia ŭ vyhladzie ŭtrymańnia pad vartaj.
Nahadajem, u Vierchavinskim rajonie hruzavy aŭtamabil ź biełaruskimi turystami pierakuliŭsia ŭ raku Čorny Čaramoš. U vyniku avaryi try biełarusy zahinuli: dźvie žančyny, jakim było pa 23 i 28 hadoŭ, i 29-hadovy mužčyna. Jašče 16 čałaviek vyratavalisia samastojna. A niekalki čałaviek vyžyli dziakujučy ratavalnikam. Zaraz 10 paciarpiełych špitalizavali, adna žančyna ŭ ciažkim stanie.
Kamientary