Biełaruś nazavie sumu škody ad pastupleńnia zabrudžanaj nafty ŭ naftapravod «Družba» paśla revizii naftapierapracoŭčych zavodaŭ.
Pra heta zajaviŭ Alaksandr Łukašenka, paviedamlaje BiełTA.
«Raschlabanaść i razboŭtanaść na terytoryi Rasii (a heta tysiačy kiłamietraŭ) — i vielizarnaja truba była zabrudžanaja atrutnaj naftaj, — skazaŭ Łukašenka. — Za tydzień navat trubu, pa jakoj prapampoŭvajecca nafta, na 4—5 mm, jak kažuć śpiecyjalisty, źjadaje».
Što tyčycca kankretnaj sumy škody, jana pakul nieviadomaja, ale vidavočna, što budzie vielmi vialikaja.
«Skazać hetuju sumu ja zaraz nie mahu. Jana kančatkova budzie viadomaja paśla taho, jak my prarevizirujem toje, što adbyłosia na NPZ, a zaraz my ličym straty», — rastłumačyŭ Alaksandr Łukašenka.
Dla padliku strat nieabchodna acanić stupień paškodžańnia abstalavańnia. «Ciapier my aceńvajem škodu. Zvyčajna na miesiac-paŭtara my zavody spyniajem napieramienku i pačynajem ich kožny hod čyścić. Reviziju praviadziem, i ŭžo kančatkovaja budzie acenka», -= adznačyŭ jon.
Pry padliku strataŭ buduć ŭličvacca niekalki składnikaŭ. «Heta vielizarny ŭron, naniesieny naftapravodu, samomu abstalavańniu na naftapravodach (heta ž pompy na samich stancyjach i ŭsio inšaje) i na NPZ, — prakamientavaŭ kiraŭnik dziaržavy. — I heta vielizarnaja škoda, jakaja była naniesiena krainie. My niedaatrymali peŭny prybytak, valutnuju vyručku, tranzit — my vielizarnyja hrošy stracili. Heta sotni miljonaŭ dalaraŭ».
«Častku atrutnaj nafty my adpampavali ŭ svaje schoviščy, — praciahnuŭ jon. — Jaje treba adsiul rasiejcam vyvozić, ci my znojdziem niejki inšy varyjant vykarystańnia hetaj nafty. Epapieja dla Biełarusi, ja tak razumieju, padychodzić da kanca, ale dla Jeŭropy jana jašče praciahvajecca».
Ciapier čytajuć
Što viadoma pra byłoha palitviaźnia Sakałoŭskaha, jaki pamior u Bierlinie ŭ 47 hadoŭ1
Kamientary