Prajekt viełainfrastruktury na Charužaj uzhodnieny ŭ staličnaj Dziaržaŭtainśpiekcyi, paviedamlaje rovar.info.
U biełaruskich haradach užo jość padobnyja viełašlachi (u Breście, Navapołacku i inšych). Ich arhanizacyja nie patrabuje radykalnaj rekanstrukcyi vulicy i spryjaje chutkamu raźvićciu viełainfrastruktury. U stalicy taki piłotny prajekt na prajeznaj častcy padrychtavany dla vulicy Charužaj na ŭčastku ad vulicy Kujbyšava da vulicy Kołasa.
Sama vulica nie mahistralnaja. Pieramiaščacca na viełasipiedzie pa tratuarach u hetaj častcy horada prablematyčna z-za šmatlikich piešachodaŭ: pobač bujny rynak i handlovyja centry. Peŭnyja niazručnaści vyklikaje i padziemny pierachod na skryžavańni Charužaj i Kujbyšava.
Viełašlachi prapanujecca kanstruktyŭna adździalić delinijatarami, a dla dadatkovaj zaściarohi abmiežavać chutkaść aŭtamabilaŭ da 50 km/h. Akramia taho, viełapałosy praduhledžana vyłučyć koleram, dzie jany pierasiakajucca z prajeznaj častkaj, a taksama ŭ zonie punktaŭ prypynku.
Realizacyja prajekta zaležyć ad rašeńnia kiraŭnictva horada.
