Viadoma kožnamu, jakija hałasistyja i aściarožnyja hetyja svojskija ptachi.Nie daremna ž jany vyratavali Rym, kali ŭ horad źnianacku imknulisia prabracca vorahi. Taki hohat uźniali, što abaroncy krepasci pračnulisia i ŭzialisia za zbroju.
Voś tak by i tym piaci piorystym adnaho hamialčanina, jaki pastaviŭ ich na adkorm na svajoj dačy ŭ adnoj ź viosak Rahačoŭskaha rajona, hvałt uźniać.
Maŭlaŭ, da staroha Novaha hoda vydatnaja zakuś budzie, dumaŭ haspadar. Usioj siam'i i rodzičam chopić. Nie dačakaŭsia čałaviek hetaha momantu.Bo, akazvajecca, niejkija złamysniki taho ž samaha chacieli. Prabraŭšysia na daču, tyja niby zahipnazavali husak i pakidali ich u miaški.
Takim ža sposabam znikli piać trusoŭ z dvarovaj prybudovy žychara vioski Daŭhaleśsie Homielskaha rajona. Tyja, praŭda, pa svajoj pryrodnaj natury i nie mahli padać hołas, ale heta nie pieraškodziła milicyi znajsci zładziužku. Dyjetyčnym praduktam vyrašyła pałasavacca raniej asudžanaja žycharka hetaha ž nasielenaha punkta. Niechta pakvapiŭsia na 20 kurej‑niasušak i na 7 kačak piensijanierki ź vioski Kamienka taho ž Rahačoŭskaha rajona. Jany ŭ adnu sa studzieńskich načej znikli ź niezamknionaha chleŭčuka haspadyni.
0
0
0
0
0
0
