Supracoŭnicu ministerstva adukacyi nihieryjskaha štata Bienue, jakaja śćviardžała, što dziaržaŭnyja hrošy ŭ pamiery kala $100 tysiač prahłynuła źmiaja, abvinavacili ŭ machlarstvie. Pra heta paviedamlaje Agence France-Presse.
U pačatku 2018 hoda aŭdytary, jakija praviarali adździaleńnie nihieryjskaj ekzamienacyjnaj rady, zaŭvažyli źniknieńnie 35 miljonaŭ najra (97 500 dalaraŭ abo 86 950 jeŭra ŭ ekvivalencie). Supracoŭnica arhanizacyi Fiłamina Čyšie patłumačyła adsutnaść hrošaj zvyšnaturalnym umiašańniem: hrošy źjeła mistyčnaja źmiaja.
Viadoma, nijakaj źmiai śledčyja nie znajšli. Samaja vialikaja banknota ŭ Nihieryi — 1 000 najra, i ŭsie hrošy mahli b zapoŭnić niekalki miachoŭ.
U piatnicu, 31 maja, Čyšie i jašče piać supracoŭnikaŭ ministerstva adukacyi, jakija padazrajucca ŭ kradziažy, paŭstali pierad sudom u horadzie Abudža. Troje ź ich užo zajavili, što nie vinavatyja.
