My dačakalisia! velcom | A1 pravioŭ internet va ŭsie tuneli minskaha mietro
Pravajdar telekam-, IKT- i kantent-pasłuh velcom | A1 zaviaršyŭ prajekt pa zapusku mabilnaj suviazi i internetu ŭ pierahonach pamiž stancyjami Minskaha mietrapalitena. Abanienty kampanii atrymali mahčymaść karystacca roznymi vidami mabilnych pasłuh na ŭsioj praciahłaści mietro — 37,3 km.
Prajekt realizavali ŭ maksimalna ścisłyja terminy: da kastryčnika 2018 hoda byli zavieršany ŭsie padrychtoŭčyja pracy i pačaty mantaž abstalavańnia ŭ pierahonach, a z krasavika pa maj 2019 hoda praviali paetapny zapusk suviazi ŭ tunelach mietro na roznych učastkach Maskoŭskaj i Aŭtazavodskaj linij. Ciapier rabić hałasavyja vykliki i ŭ farmacie HD-Voice, karystacca mabilnym internetam možna nie tolki na płatformach mietro, ale i padčas ruchu ciahnika.
«Analiz hałasavoha i internet-trafiku pakazvaje, što biełaruskija abanienty sotavaj suviazi vysoka acanili mahčymaść karystacca ŭsimi dastupnymi pasłuhami mabilnaj suviazi paŭsiudna, u tym liku ŭ mietro. Zaraz takaja mahčymaść u žycharoŭ i haściej Minska budzie litaralna ŭsiudy, dzie b jany ni znachodzilisia, — i nam vielmi pryjemna, što adnymi ź pieršych acanić usie pieravahi bieśpierabojnaj suviazi na ŭsim praciahu pajezdki zmohuć mienavita abanienty velcom | A1», — adznačyŭ pieršy namieśnik hienieralnaha dyrektara velcom | A1 Mikałaj Juškievič.
Realizacyi prajekta papiaredničaŭ pieryjad testavaj ekspłuatacyi: z krasavika 2016 hoda technałohija, jakaja pakładziena ŭ jaho asnovu, vypraboŭvałasia ŭ pierahonie pamiž stancyjami «Piatroŭščyna» i «Malinaŭka».
Rašeńnie, prapanavanaje śpiecyjalistami velcom | A1, zaklučałasia ŭ prakładcy pa ścienach tunelaŭ mietro vypramieńvalnaha kabiela (fidara). Jon padklučajecca da bazavych stancyj i słužyć krynicaj ustojlivaha sihnału dla pasažyraŭ mietrapalitena, zamianiajučy saboj zvykłyja anteny sotavaj suviazi.
Raspracavanaje i pratestavanaje velcom | A1 rašeńnie było paśpiachova maštabavana kampanijaj na ŭsie astatnija ŭčastki. Bolš za toje, mienavita jano pasłužyła techničnaj asnovaj dla realizacyi mižapieratarskaha prajekta pa zabieśpiačeńni suviaźziu ŭsich pierahonaŭ minskaha mietro, prymierkavanaha da praviadzieńnia ŭ Minsku II Jeŭrapiejskich hulniaŭ, aficyjnym apierataram suviazi jakich źjaŭlajecca velcom | A1.
Ciapier čytajuć
«Tufli — 400 rubloŭ». Vypuskniki dzielacca, u kolki abyšlisia ich vobrazy8
Kamientary