Rasijskaja nastaŭnica prymusiła pieršakłaśnikaŭ pa čarzie pisać hrubaje słova na došcy
U Jekaciarynburhu nastaŭnica liceja imia Dziahileva prymusiła pieršakłaśnikaŭ pa čarzie pisać na došcy słova «ž**a», kab vyličyć počyrk vučnia, jaki napisaŭ hetaje słova na parcie. Pra heta paviedamlaje rehijanalnaje vydańnie «Je1».
«Tam vučacca tvorčyja dzieci, jakija, mahčyma, navat takoha słova ŭ siamji nie čuli, a ŭ adukacyjnaj ustanovie prymusili jaho prapisać!» — aburalisia baćki pieršakłaśnikaŭ.
Baćki napisali ŭ departamient adukacyi skarhu na nastaŭnicu i školnaha psichołaha, jakaja, pa słovach dyrektara liceja Andreja Kadačnikava, uklučyłasia ŭ situacyju, kab spynić «daznańnie». Im vynieśli dyscyplinarnyja spahnańni i praviali hutarku pra vykanańnie etyčnych normaŭ.
Dyrektar liceja Kadačnikaŭ adznačyŭ, što nastaŭnica, jakaja prymusiła dziaciej pisać na došcy słova «ž**a», pracuje ŭ škole hod. «Nastaŭnicy abjavili vymovu, razhladajecca pytańnie ab jaje prafiesijnaj adpaviednaści. Ja paprasiŭ u baćkoŭ prabačeńnia», — zajaviŭ jon.
Kamientary