Maskoŭski sud admianiŭ prysud futbalistam Alaksandru Kakorynu, Paŭłu Mamajevu, Kiryłu Kakorynu i Alaksandru Pratasavickamu, asudžanym u mai za dźvie bojki ŭ centry Maskvy, paviedamlaje RBK. Pry hetym sud zachavaŭ termin pakarańnia futbalistaŭ.
Sud u mai prysudziŭ čaćviarych spartsmienaŭ da pazbaŭleńnia voli (na termin da 1,5 hoda) pa artykułach ab chulihanstvie, źbićci i pryčynieńni lohkaj škody zdaroŭju.
Prysud abskardzili jak advakaty futbalistaŭ, tak i prakuratura. Abarona prasiła častkova apraŭdać futbalistaŭ, prybraŭšy z kvalifikacyi artykuł ab chulihanstvie, i pryznačyć im pakarańnie, nie źviazanaje z pazbaŭleńniem voli.
Advakaty taksama śćviardžali, što svarki, jakija pryviali da bojek, pačali nie futbalisty, a ich apanienty, a dziejańni spartsmienaŭ byli nakiravany na toje, kab ułahodzić kanflikt.