Biełaruś padtrymlivaje kiraŭnictva Małdovy na šlachu zachavańnia narodnaha adzinstva. Pra heta Alaksandr Łukašenka zajaviŭ siońnia na sustrečy z prezidentam Małdovy Iharam Dadonam, pieradaje BiełTA.
«Dziakuj vam za hety vizit. Paśla ŭsich burnych padziej chaču pavinšavać vas i ŭvieś małdaŭski narod, elitu małdaŭskaha naroda z tym, što vy dastojna vyjšli ź niaprostaha, składanaha stanovišča, — skazaŭ Alaksandr Łukašenka. — Vy, napeŭna, znachodziačysia niepasredna ŭ epicentry hetych padziej, nie zusim vostra, jak my, heta ŭsprymajecie. My vielmi pieražyvali i zaŭzieli za vas».
«Ja dumaŭ pra Małdovu: vy małajcy, što zachavali hetaje adzinstva. Heta ciapier nie zrazumieła. Heta nie zrazumieła, kali znachodzišsia ŭ hetym katle, moža być, nie ŭsio ŭśviadomiš, ale zvonku heta vastrej adčuvajecca. Ź ciaham času, kali heta stanie zdabytkam historyi, heta budzie vyvučana, uśviadomlena. Pakaleńni, jakija pryjduć na źmienu našamu, heta aceniać — što vy źbierahli toje adzinstva, jakoje ciapier jość u Małdovie», — skazaŭ Łukašenka.
