Alaksandr Łukašenka na sustrečy z rasijskim premjeram Dźmitryjem Miadźviedzievym raspavioŭ pra hrafik kantaktaŭ z Uładzimiram Pucinym, paviedamlaje BiełTA.
«Ja vitaju vas u Biełarusi i ŭdziačny za toje, što vy pryjechali da nas na adkryćcio važnaj padziei. I nie tolki. Ale i, jak damaŭlalisia my z prezidentam Rasii, što vy pahladzicie na tuju pracu našaj sumiesnaj hrupy, jakaja pracuje nad prablemnymi pytańniami našych uzajemaadnosin, i daście svajo reziumie pierad tym, jak my sustreniemsia z Uładzimiram Uładzimiravičam», — skazaŭ kiraŭnik dziaržavy.
Jon adznačyŭ, što prezident Rasii płanavaŭ pryjechać na zakryćcio II Jeŭrapiejskich hulniaŭ.
«I my sustreniemsia i pahavorym na hetuju temu i roznyja inšyja. I ŭžo kali budzie Forum rehijonaŭ na radzimie ŭ vas (u siaredzinie lipienia ŭ Sankt-Pieciarburhu. — Zaŭv. BiełTA), my ź im pajedziem na Vałaam malicca. I tam dadatkova abmiarkujem. Voś taki prykładna byŭ płan. Heta namiotka tolki», — raspavioŭ Alaksandr Łukašenka.
Vałaam — vostraŭ na Ładažskim voziery ź viadomym na ŭsiu Rasiju mužčynskim manastyrom.
