Kiraŭnica administracyi Alaksandra Łukašenki Natalla Kačanava paabiacała sustrecca z aktyvistkami ruchu «Maci 328», jakija treci tydzień trymajuć haładoŭku z patrabavańniem dalejšaj libieralizacyi antynarkatyčnaha artykuła Kryminalnaha kodeksa, piša Radyjo Svaboda.
Sustreča maje adbycca da 10 lipienia. Pra heta paviedamiła kiraŭnica ruchu «Maci 328» Łarysa Žyhar paśla razmovy 27 červienia z namieśnikam kiraŭnika Administracyi Mikałajem Snapkovym.
«Raniej ja źviartałasia ŭ Administracyju z prośbaj mianie pryniać, a taksama dasyłała našyja prapanovy pa źmienie artykuła 328. Mnie była pryznačanaja sustreča na siońnia. Mianie pryniali namieśnik kiraŭnika Administracyi Mikałaj Snapkoŭ i zahadčyk pryjomnaj spadar Šłyk.
I ad Mikałaja Snapkova ja pačuła, što Natalla Kačanava «ćviorda paabiacała» nas pryniać da 10 lipienia. Snapkoŭ taksama skazaŭ, što jany vyvučajuć našy patrabavańni, u tym liku i patrabavańnie stvaryć kamisiju dla pierahladu spraŭ pa 328 artykule, — skazała Łarysa Žyhar.