Arandadaŭcam, jakija zdajuć kvatery na sutki, daviadziecca płacić štomiesiačny padatak,paviedamiŭ na pres‑kanfierencyi 28 studzienia namieśnik načalnika inśpiekcyi Ministerstva pa padatkach i zborach pa Minsku Alaksandr Subotka.
Pavodle słoŭ čynoŭnika, suma padatku moža skłaści 130 jeŭra, adnak hetaje pytańnie jašče treba razhledzieć. Astatnija arandadaŭcy buduć vypłačvać padachodny padatak u adpaviednaści z raniej ustanoŭlenym paradkam.
Pavodle infarmacyi A.Subotki,
siońnia na ŭliku ŭ padatkovych orhanach stalicy znachodziacca 29 tysiač arandadaŭcaŭ, jakija zdajuć unajom kvatery.Heta na 3 tysiačy bolš, čym u 2007 hodzie, što tłumačycca pracaj padatkovych orhanaŭ u hetym kirunku i śviadomaściu hramadzian, zaznačyŭ čynoŭnik.
Jak paviedamiŭ pradstaŭnik MPZ, vypadki vyjaŭleńnia arandadaŭcaŭ, jakija nie vypłačvajuć padatki ad zdačy kvater unajom, roznyja. «Byvaje, što i susied zajaŭlaje na susieda. Adnojčy ŭ padatkovyja orhany źviarnułasia sama haspadynia kvatery. Jana paskardziłasia na žylcoŭ i była hatova ich vysielić, i navat zapłacić padachodny padatak».
0
0
0
0
0
0
