Mužčynskaja zbornaja Biełarusi pieramahła zbornuju Turcyi — 3:1 (25:20, 20:25, 25:16, 25:20) i zaniała treciaje miesca ŭ kvalifikacyi Lihi nacyj, pieradaje BIEŁTA.
Miž tym, pierad matčam, jaki prajšoŭ u Lublanie, favarytami ličylisia tureckija valejbalisty: jany vyjhrali ŭ biełarusaŭ u Talinie ŭ červieni.
Mužčynskaja zbornaja Biełarusi finišavała ŭ kvalifikacyi Lihi nacyj treciaj, abyhraŭšy Jehipiet (3:2), sastupiŭšy Kubie (1:3) i Słavienii (1:3), pieramohšy Turcyju (3:1).
U finalnaj stadyi čempijanatu Jeŭropy (12—29 vieraśnia) biełaruskija valejbalisty zhulajuć u hrupie S, matčy jakoj adbuducca ŭ Lublanie. Supiernikami padapiečnych Viktara Biekšy stanuć hulcy Słavienii (12 vieraśnia), Rasii (13 vieraśnia), Finlandyi (15 vieraśnia), Paŭnočnaj Makiedonii (16 vieraśnia) i Turcyi (17 vieraśnia).
