Tak ličyć ministr suviazi i infarmatyzacyi Mikałaj Pancialej. Pra heta jon zajaviŭ na pres‑kanfierencyi ŭ Minsku.
Na pytańnie pra kolkaść biełaruskich interniet‑karystalnikaŭ ministr skazaŭ:
«Statystyka takaja isnuje, ale nie chaciełasia b jaje nazyvać, bo ja ŭ heta nie nadta vieru. Kali kažuć pra toje, što ŭ nas zvyš troch miljonaŭ karystalnikaŭ internietu, to heta vyklikaje niekatoryja sumnieńni, choć infarmacyja pastupaje z krynicaŭ, jakija pavinny być abjektyŭnymi».
«Kali my budziem viedać dakładnuju ličbu? U pieraliku pytańniaŭ da pierapisu nasielnictva budzie i heta pytańnie, to tady i atrymajem bolš realnuju ličbu»,— adznačyŭ ministr. — Miarkuju, što ŭ Biełarusi mienš za 3 młn karystalnikaŭ internietu, ale skazać nakolki [mieniej] ja nie mahu.»
Kolkaść interniet‑karystalnikaŭ u Biełarusi zastajecca pradmietam sprečak. Tak, pavodle Mižnarodnaha sajuzu elektrasuviazi, u Biełarusi ŭ 2007 h. naličvałasia 6 młn interniet‑karystalnikaŭ, pryčym 407 tys. karystalisia kamutavanym, vydzielenym abo šyrokapałosnym interniet‑dostupam. A voś pavodle ahučanych na TIBO`2008 źviestak Minsuviazi,
u Biełarusi naličvałasia 2,7 młn interniet‑karystalnikaŭ, ź jakich 170 tys. byli padłučanyja da vysokachutkasnych kanałaŭ.
0
0
0
0
0
0
