Aficyjnaje rasijskaje ahienctva zajaviła pra padrychtoŭku «fejkavaj infarmacyi» pra najbližejšaje atačeńnie Pucina
«Śpiecsłužby ZŠA i Vialikabrytanii rychtujuć fejkavuju infarmacyju pra najbližejšaje atačeńnie prezidenta Rasii Uładzimira Pucina i kiraŭnictva Minabarony krainy», — takuju niezvyčajnuju pieraściarhu raspaŭsiudziła aficyjnaje rasijskaje ahienctva RIA Novosti.
Paviedamlajecca, što nibyta metaj hetaj kampanii źjaŭlajecca dyskredytacyja peŭnych asob dla abhruntavańnia novych antyrasijskich sankcyj.
RIA Novosti paviedamlaje, što infarmacyja moža raspaŭsiudžvacca ŭ ŚMI, padkantrolnych upłyvovym finansistam ZŠA: Džordžu Sorasu i Uiljamu Braŭderu. Akramia taho, mohuć być zadziejničany vydańni, jakija adkryta finansujucca amierykanskimi ŭładami.
Finansist Uiljam Braŭder ličycca asabistym voraham Uładzimira Pucina, rasijski sud prysudziŭ jaho da 9 hadoŭ pazbaŭleńnia voli.
Varta adznačyć, što rasijskija antykarupcyjnyja aktyvisty apublikavali dziasiatki rasśledavańniaŭ, jakija pakazvajuć, što atačeńnie Pucina žyvie ŭ pałacach i robić traty, jakija ŭ sotni razoŭ pieravyšajuć ich aficyjnyja dachody. Rasśledavańni Alaksieja Navalnaha datyčyli, u pryvatnaści, premjer-ministra Dźmitryja Miadźviedzieva, pres-sakratara Pucina Dźmitryja Piaskova i byłoha kiraŭnika achovy Pucina Viktara Zołatava.
Čytajcie taksama: Navalny abvinavaciŭ Miadźviedzieva ŭ vałodańni pałacavym kompleksam koštam paŭmiljarda dalaraŭ
Navalny raspavioŭ pra jašče adnu sakretnuju daču Pucina FOTY
Navalny znajšoŭ u lidara maskoŭskaj «Adzinaj Rasii» nieruchomaść na $90 miljonaŭ
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary