Za kardynalnaje kraniravańnie dreŭ u Mahilovie da dyscyplinarnaj adkaznaści pryciahnuli 18 słužbovych asob, u tym liku 15 načalnikaŭ ŽEU, paviedamlaje BT-4.
Prakuratura vobłaści pravieryła azielanieńnie horada i vystaviła masu pretenzij. Praviarajučyja źviarnulisia pa dapamohu da vučonych ź Minska i dakazali, što «amałodžvańnie dreŭ», jak jaho časta pravodzili ŭ Mahilovie, zhubna adbivajecca na raślinach i navat pryvodzić da ich hibieli.
Drevy z šykoŭnymi kronami kamunalniki pieratvaryli ŭ pni. Na žal, padobnaja situacyja — va ŭsim horadzie. Na dumku staličnych navukoŭcaŭ, takoje kraniravańnie padobna minie zapavolenaha dziejańnia: kali nie adrazu, to za 2-3 hady dreva pamiraje.
Akazałasia, što rabotniki, jakija zajmalisia abrazańniem, nie mieli adpaviednaj padrychtoŭki. Ciapier, paśla pravierki prakuroraŭ, ich adpraviać na śpiecyjalnyja kursy ŭ vučebna-adukacyjny respublikanski centr ekałahičnaj ekśpiertyzy. I tolki potym dapuściać da pracy z drevami. U vyniku vyjaŭlena cełaja sistema parušeńniaŭ. Tak, u horadzie adsutničaje ŭlik zialonych nasadžeńniaŭ. Niama płana raźmiaščeńnia dreŭ i kustoŭ, schiemy azielanieńnia terytoryj. Jość prablemy z ekśpiertyzaj i składańniem zaklučeńniaŭ pa «avaryjnych drevach».
