Bieraściejcy pryśviacili dynamaŭskaje derbi biełaruskim tradycyjam i prapanoŭvali pryjemnyja bonusy zaŭziataram u vyšyvankach. Ale śviata sapsavaŭ paŭabaronca minskaha «Dynama» Dźmitryj Biłanoh, dva hały jakoha dazvolili kamandzie Siarhieja Hurenki zdabyć važnuju pieramohu na zapoŭnienym ASK «Brescki».
Dźmitryj Biłanoh zabivaje pieramožny hoł. Fota: FK «Dynama-Minsk».
BATE ž niečakana razhromna doma abyšło susiedziaŭ z Žodzina i, badaj, pieršy raz u čempijanacie ŭznačaliła tablicu. Ź cikavostak tura varta adznačyć čarhovy karnavał z udziełam «Enierhietyka-BDU» — studenty zdabyli valavuju pieramohu ŭ Mahilovie ź likam 4:3. Viesieła było i na «kamvolnym» derbi — «Minsk» i «Isłač» padzialili bały, zabiŭšy na dvaich šeść miačoŭ.
A voś kamu zusim nie śmiešna, dyk heta hulcam i zaŭziataram minskaha «Tarpieda». Matč 16-ha tura suprać «Šachciora» byŭ pieraniesieny pa prośbie salihorcaŭ na kaniec kastryčnika, i jość imaviernaść taho, što paśla paŭzy my «aŭtazavodcaŭ» u čempijanacie bolš nie pabačym. Śviatła na tym kancy pakul nie vidać, a futbalisty tym časam zaklučajuć kantrakty ź inšymi kłubami.
19 lipienia ŭ Biełarusi adkryjecca tranśfiernaje akno, i ŭžo ŭ nadychodziačym tury zmožam pabačyć na poli novych hulcoŭ u składach kamand.
Ciapier da padziej 16-ha tura.
«Enierhietyk-BDU» — «Słuck»
- 19.07, 18:45. Minsk, RCOR-BDU
- Kaeficyjenty: «Enierhietyk-BDU» (pieramoha) — 2.50; ničyja — 3.34; «Słuck» (pieramoha) — 2.70
- Matč pieršaha kruha — 0:0
Atakujučyja pośpiechi «studentaŭ» nie zastalisia niezaŭvažanymi inšymi kamandami. Tak, Uładzisłaŭ Vasiljeŭ, jaki addaŭ stolki ž halavych pieradač u biahučym pieršynstvie, jak i Ihar Stasievič, pierajšoŭ u bresckaje «Dynama». Taksama paviedamlałasia, što bieraściejcy padpišuć lepšaha bambardzira kamandy Usievałada Sadoŭskaha dy paŭabaroncu Alaksieja Nasko, paśla čaho viernuć ich da kanca siezonu ŭ «Enierhietyk», ale aficyjnaha paćviardžeńnia pakul nie było.
Uładzisłaŭ Vasiljeŭ u składzie «Dynama». Fota FK «Dynama-Brest».
U «Słucka» taksama źmieny ŭ składzie: skład «cukrovych» pakinuli Alaksandr Jackievič, Jaŭhien Savaśćianaŭ i Aleh Čmyrykaŭ. U čaćvier słuččaki optam padpisali adrazu šaściarych futbalistaŭ, siarod jakich tolki adzin biełarus. Vital Paŭłaŭ sprabuje vypravić stanovišča kamandy, ale heta nahadvaje ŭkładvańnie asfaltu ŭ łužyny. Ci dapamohuć navički ŭ hulni suprać maładych i chutkich hulcoŭ «Enierhietyka»? I jak buduć hulać «studenty» biez svajho lidara — voś heta cikava.
Prahnoz «NN»: Strata lidara, jaki zimoj jeździŭ na prahlad u BATE, nie vyhladaje niečakanaj dla «Enierhietyka». U daśviedčanaha trenierskaha štaba musiać być varyjanty zamieny Vasiljeva, i, miarkujem, što na styli hulni heta nie adabjecca. Tamu prahnazujem kłasičny totał, bolšy za 2,5.
«Nioman» — «Homiel»
- 19.07, 20:45. Hrodna, CSK «Nioman»
- Kaeficyjenty: «Nioman» (pieramoha) — 2.05; ničyja — 3.34; «Homiel» (pieramoha) — 3.54
- Matč pieršaha kruha — 3:2
«Homiel» narešcie pierarvaŭ 12-matčavuju sieryju bieź pieramoh i razam ź viktoryjaj źvioz na poŭdzień dvuch hulcoŭ «Tarpieda»: Andreja Vasiljeva i Siarhieja Hlabko.
Adna prablema, zdajecca, syšła, ale źjaviłasia novaja — koŭč «bieła-zialonych» na pres-kanfierencyi vykazaŭsia abraźliva ŭ bok tych, chto krytykuje kamandu i jaho jak treniera, maŭlaŭ, niama času spyniacca i kidać kamiani ŭ kožnaha sabaku, jaki łaje.
Heta na svoj rachunak uspryniali zaŭziatary i fanaty kamandy. Apošnija praz svaje supołki ŭ internecie zapatrabavali tłumačeńniaŭ ad treniera.
«Nioman» u apošnim tury vydaŭ blakłuju nulavuju ničyju sa «Słuckam» i ŭ dadatak da hetaha zhubiŭ na try tydni praz traŭmu bramnika Siarhieja Kurhanskaha. Ale jość cikavostka: chutčej za ŭsio, miesca ŭ varotach haradziencaŭ zojmie Dźmitryj Dudar, jaki niekalki dzion tamu pierajšoŭ jakraz z «Homiela», dzie nie mieŭ hulniavoj praktyki.
Prahnoz «NN»: Haradziency ŭ apošnich turach vyhladajuć vielmi niabłaha. Pieramoha ž «Homiela» nad harotnym «Tarpieda» nie značyć pakul ničoha — ci vyjšła kamanda ź pikie, budzie bačna pa matčach z mocnymi supiernikami kštałtu taho ž «Niomana». Tamu prahnazujem pieramohu haspadaroŭ.
«Haradzieja» — «Isłač»
«Cukrovyja» nie prajhrajuć apošnija siem turaŭ, vynikam čaho staŭ siomy radok, jaki kamanda zajmaje siońnia. Na prystupcy vyšej jakraz «Isłač», jakaja nie moža pachvalicca takoj stabilnaściu: u apošnich siami turach u kamandy Vitala Žukoŭskaha ŭsiaho dźvie pieramohi.
«Vaŭki» pieršy kruh skončyli z 26-ju bałami ŭ skarboncy — płan pa zbory 50-i bałaŭ vykonvajecca. Jak pojdzie ŭ druhim kruzie?
Prahnoz «NN»: U apošnich piaci matčach «Isłač» prapuściła 12 miačoŭ, ich budučyja supierniki — na siem mienš. Prahnazujem davoli aściarožny futboł, u jakim «cukrovyja» praciahnuć svaju stanoŭčuju sieryju. «Haradzieja» nie sastupić.
«Dynama-Brest» — «Tarpieda-BiełAZ»
Hałoŭny matč prahramy ŭsiečanaha tura. Pieršy kruh abiedźvie kamandy zaviaršyli niepryjemnymi parazami, i dla vyrašeńnia ambicyjnych zadač kožnaj patrebnaja pieramoha.
Što datyčycca tranśfieraŭ, to abodva kłuby pakul z hetym vielmi aściarožnyja. Hučnych padpisańniaŭ nie było, a što datyčycca strat, to najbolš značnaja — heta pierachod forvarda Džaela Famiaje z «Dynama» ŭ «Arenburh».
Prahnoz «NN»: Ciapier bieraściejcy akazalisia ŭ roli dahaniajučych. Ale praź pieranos matča barysaŭskim BATE ŭ «Dynama» jość dobry šaniec viarnuć sabie pieršy radok. Treba ŭsiaho pieramahčy, i padnačalenyja Lički, viadoma, prykładuć dla hetaha ŭsie namahańni. Tamu dumajem, što «Dynama» pieramoža.
«Viciebsk» — «Minsk»
«Viciebsk» adziny z našych pradstaŭnikoŭ u jeŭrakubkach vyrašyŭ nie pieranosić matč 16-ha tura. U matčy ŭ adkaz suprać finskaha «KuPS» viciebčuki pakazali kłasnuju hulniu, ale hetaha nie chapiła dla prachodu ŭ nastupny raŭnd.
«Minsk» druhi matč zapar hublaje bały «dziakujučy» pienalci ŭ dadadzieny čas. U Salihorsku padnačalenyja Andreja Razina mahli zdabyvać ničyju, a ŭ hulni z «Isłačču» — pieramohu, ale nie datryvali.
Prahnoz «NN»: Abiedźvie kamandy hulajuć vielmi niestabilna, i na siońniašni dzień ich u tablicy raździalaje tolki try bały. Ale ŭ čym pieravaha «Viciebska», dyk heta ŭ dośviedzie — miarkujem, što kłas i vyjdzie na pieršy płan. Tamu dumajem, što «Viciebsk» pieramoža.
Matčy «Tarpieda-Minsk» — «Šachcior», «Słavija» — «Dynama-Minsk» i «Dniapro» — BATE adbuducca 30 kastryčnika. Nastupny tur pačniecca 9 žniŭnia.
TURNIRNAJA TABLICA
Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
Tym bolš Marafon prapanuje vydatnuju mahčymaść dla ŭsich novych klijentaŭ zrabić biasprojhryšnuju pieršuju staŭku. Kab zrabić heta, treba zarehistravacca na sajcie i ŭvieści promakod START. Zyčym pośpiechaŭ!
