Alaksandr Filej — siabra «Ruskaha sajuza Łatvii», a taksama arhanizatar «Tatalnaha dyktanta» ŭ hetaj krainie. 17 červienia na svajoj staroncy ŭ fejsbuku jon napisaŭ post pra padziei 1940 hoda.
Alaksandr Filej. Fota baltnews.lv.
«17 červienia. Sa śviatam. Usich datyčnych sardečna vinšuju sa śviatam. Zyču ŭsim siły duchu, badzioraści, viasiołaha nastroju i śvietłych spadzievaŭ. Roŭna siemdziesiat dzieviać hadoŭ tamu ŭ Łatviju, pahružanuju ŭ dyktatarski režym, jaki budavaŭsia na pryncypach złosnaha nacyjanalizmu, byŭ uviedzieny abmiežavany kantynhient Čyrvonaj armii. Hety akt pryvioŭ da chutkaha ŭstalavańnia savieckaj ułady. […]
A Łatvija była zusim nie suprać stać savieckaj», — napisaŭ Filej.
Sprava była zaviedzienaja paśla taho, jak zajavu ŭ Słužbu dziaržaŭnaj biaśpieki Łatvii napisaŭ siabar partyi «Novaje adzinstva» Dźmitryj Hołubieŭ. U vyniku śpiecsłužby pačali spravu suprać Fileja za apraŭdańnie złačynstvaŭ suprać čałaviečnaści, Łatvii i jaje naroda. Publicystu pahražaje da 5 hadoŭ źniavoleńnia.
«Ruski sajuz Łatvii» abiacaje Fileju ŭsiemahčymuju padtrymku.