Siońnia ŭ biełaruskaje MZS vyklikali časovaha pavieranaha ŭ spravach Litvy ŭ Biełarusi, jakomu byŭ zajaŭleny pratest.
Pa słovach biełaruskaha ministerstva, padstavaj stała «ŭmiašalnictva ŭrada Litoŭskaj Respubliki ŭ kamiercyjnuju ździełku z udziełam biełaruskaha subjekta haspadarańnia pa nadumanych padstavach «nieadpaviednaści intaresam nacyjanalnaj biaśpieki»». Paviedamlajecca, što biełaruskaja kampanija, jakaja nibyta całkam adpaviadaje ŭsim patrabavańniam, była faktyčna vyklučana z prajekta.
Arhumienty, pryviedzienyja litoŭskim bokam, u biełaruskim ministerstvie paličyli «niedružalubnymi».
«Takija dziejańni litoŭskaha boku hruntujucca na pamyłkovym mierkavańni i nanosiać vidavočnuju škodu handlova-ekanamičnym adnosinam dźviuch krain», — padsumavała MZS.
