AAT «Biełtranshaz» padpisała z «Hazpromam» dadatkovaje pahadnieńnie pa canie na haz dla Biełarusi na 2009 hod, paviedamiła dziaržaŭnaje ahienctva BiełTA.
U «Hazpromie» i «Biełtranshazie» hetuju infarmacyju pakul nie kamientujuć.
Umovy kantrakta na pastaŭku ŭ Biełaruś rasijskaha hazu ŭ 2009 hodzie byli ŭzhodnieny 30 śniežnia minułaha hoda ŭ Maskvie na sustrečy namieśnika staršyni praŭleńnia «Hazprama» Valeryja Hołubieva ź biełaruskaj delehacyjaj. 31 śniežnia namieśnik staršyni praŭleńnia AAT «Hazprom» Alaksandr Miadźviedzieŭ paviedamiŭ, što ŭdakładnieńnie pracy kantraktnaj formuły ź Biełaruśsiu adbyvałasia «na bazie damoŭlenaściej, jakija byli dasiahnuty padčas vizitu prezidenta Alaksandra Łukašenki i jaho sustreč z rasijskimi prezidentam i premjeram» 22 śniežnia ŭ Maskvie.
Tady ž aficyjny pradstaŭnik «Hazproma» Siarhiej Kupryjanaŭ padkreśliŭ: stanoŭčym momantam u pieramovach Rasii i Biełarusi pa canie na haz źjaŭlajecca toje, što padpisańnie dadatkovych pahadnieńniaŭ mahčyma «ŭ luby momant». «Pakolki ŭ nas z «Biełtranshazam» dziejny kantrakt, i tut, što nazyvajecca, nad nami nie kapaje — u nas niama nieabchodnaści padpisvać za dźvie chviliny da kanca sychodziačaha hoda, tamu što jość pracedura pieraraźliku cany», — zaznačyŭ Kupryjanaŭ.
31 śniežnia 2006 hoda AAT «Hazprom» i «Biełtranshaz» padpisali kantrakt na pastaŭku i tranzit hazu ŭ 2007—2011 hadach. Formuła raźliku cany na haz dla Biełarusi pryviazana da siaredniejeŭrapiejskaj cany z ulikam panižalnaha kaeficyjenta. Tak, u 2008 hodzie košt hazu dla Biełarusi pavinien składać 67% ad siaredniejeŭrapiejskaj cany za vyličeńniem transpartnych raschodaŭ, u 2009 hodzie — 80%, u 2010 hodzie — 90%. Da 2011 hoda Biełaruś pavinna vyjści na apłatu hazu pa jeŭrapiejskaj canie.
U pieršym kvartale 2008 hoda Biełaruś kuplała rasijski haz pa 119 dołaraŭ za 1 tys. kub. mietraŭ, z druhoha kvartała cana ŭstanoŭlena na ŭzroŭni 127,9 dołara.
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ6
Kamientary