Daśledčy prajekt pad nazvaj Fertinuts znajšoŭ dokazy taho, što mužčyny, jakija jaduć šmat arechaŭ, mohuć pavysić libida i jakaść seksu, piša Gizmodo.
Navukoŭcy daśledavali 100 maładych zdarovych mužčyn u Ispanii. Pałovie mužčyn było prapanavana ŭžyvać nie mienš za 60 hramaŭ roznych syrych arechaŭ u dzień na praciahu 14 tydniaŭ, u dadatak da ich zvyčajnaj dyjety, u toj čas jak inšaja pałova prosta prytrymlivałasia svajoj zvyčajnaj dyjety, unikajučy arechaŭ, kali heta mahčyma.
Da i paśla daśledavańnia dobraachvotniki adkazvali na pytańni pra ich pałavoje žyćcio i ich kroŭ praviarałasia na kolkaść aksidu azotu (NO) i E-sielekcinu. Navukoŭcy vykarystali hetyja ŭzroŭni jak markiery dla zdaroŭja kryvianosnych sasudaŭ u pałavym členie, jakija robiać mahčymaj erekcyju.
Pamiž dźviumaa hrupami da pačatku daśledavańnia nie było surjoznych adroźnieńniaŭ ni pa adnoj z hetych charaktarystyk. Ale paśla hetaha dobraachvotniki, jakija jaduć arechi, paviedamili pra značnaje pavieličeńnie ich «arhaźmičnaj funkcyi» i seksualnaha žadańnia ahułam.
Heta daśledavańnie paćviardžaje bolš rannija kliničnyja daśledavańni, jakija pakazali, što ŭžyvańnie 100 h fistašak u dzień na praciahu troch tydniaŭ palapšaje erekcyju ŭ mužčyn z užo isnujučaj erektylnaj dysfunkcyjaj.
