U centry Maskvy prajšła akcyja «Za svabodnyja vybary», zatrymana 828 čałaviek
3 žniŭnia ŭ Maskvie praciahvalisia pratesty suprać taho, što na vybary ŭ Maskoŭskuju haradskuju dumu nie puścili niezaležnych kandydataŭ. Papiaredniaja akcyja 27 lipienia skončyłasia masavymi zatrymańniami. Tranślacyju viadzie «Nastojaŝieje vriemia».
Siońnia, jašče da pačatku akcyi, była zatrymanaja Luboŭ Sobal — apošniaja z arhanizataraŭ, jakaja jašče była na voli.
Palicyja ačapiła bulvary i płoščy z asnoŭnymi hrupami pratestujučych i chutka vycieśniła ich adtul, paviedamiŭ rbc.ru. Palicyja ačapiła Trubnuju płošču, u ačapleńni byli ludzi, jakim dazvolili vyjści ŭ bok Puškinskaj płoščy kala 17:00. Na Raždziestvienskim bulvary palicejskija abviaścili: «Pavažanyja hramadzianie, bulvar začyniajecca, skvier začynieny. Prachodzim nazad».
Łozunhaŭ u pratestoŭcaŭ praktyčna nie było, u asnoŭnym ludzi plaskali ŭ dałoni, vykazvajučy takim čynam niazhodu ź dziejańniami palicyi. U natoŭpie nie było kaardynataraŭ pratestu, centralizavanaj razdačy ahitacyi.
U pieršuju čarhu palicyja stała zatrymlivać mužčyn i ludziej, jakija zdymali fota i videa.
U centry Maskvy na fonie pratestnaj akcyi začynilisia kramy.
Siarod viadomych ludziej, jakija vyjšli na bulvary ŭ centry Maskvy, byli zasnavalnik partyi «Jabłyk» Hryhoryj Jaŭlinski, akcior Maksim Vitarhan, muzyčny krytyk Arciemij Troicki i inšyja.
U Maskvie siońnia zatrymanyja 828 čałaviek, paviedamili pravaabaroncy. Jak adznačajuć niezaležnyja naziralniki, siarod zatrymanych jość žurnalisty i niepaŭnaletnija.
Zadieržanija na Trubnoj i Puškinskoj pic.twitter.com/6xJ3Eam86g
— Novaja Hazieta (@novaya_gazeta) August 3, 2019
Vidieo: «MBCH miedia» pic.twitter.com/xMaxyS1jNj
— MBCH Miedia (@MBKhMedia) August 3, 2019
Na Puškinskoj takije zadieržanija. Vidieo: Miediazona pic.twitter.com/WD1k02wQ2H
— Miediazona (@mediazzzona) August 3, 2019
Viadomyja rasijskija muzyki admovilisia ŭdzielničać u feście, pryznačanym na čas akcyi pratestu ŭ Maskvie
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier

Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu

Kamientary