Alaksandr Łukašenka 6 žniŭnia pravioŭ sustreču z eks-prezidentam Kyrhyzstana Kurmanbiekam Bakijevym, pieradaje BiełTA.
Nahodaj dla razmovy staŭ 70-hadovy jubilej hościa, jaki jon adznačyŭ niekalki dzion tamu.
Łukašenka ŭ Pałacy Niezaležnaści ciopła pavinšavaŭ Kurmanbieka Bakijeva, zrabiŭ simvaličnyja padarunki — karcinu «Palavańnie kačeŭnikaŭ ź bierkutam». Stepavy aroł abo bierkut — asablivy znak u śvietarazumieńni kačeŭnikaŭ. Jubilaru Łukašenka taksama padaryŭ korcik i bukiet biełaruskich kvietak.
«Heta ž maja kraina… Koni, bierkuty…», — adreahavaŭ Kurmanbiek Bakijeŭ, ubačyŭšy karcinu.
«Tvaja kraina i tvaja stychija. Ptuška hetaja hanarlivaja na ciabie padobnaja», — zaŭvažyŭ Łukašenka.
Kurmanbiek Bakijeŭ padziakavaŭ kiraŭniku Biełarusi za padarunki.
«My ŭsie i pryjdziem da ciabie na dzień naradžeńnia, — praciahnuŭ siabroŭski dyjałoh Alaksandr Łukašenka. — Ty možaš nam pryhatavać kyrhyzski płoŭ? Płoŭ ź ciabie, vino — z nas!» Kurmanbiek Bakijeŭ adkazaŭ, što z zadavalnieńniem prymie haściej i asabista pryhatuje pačastunak.
«Sam budu rabić», — padkreśliŭ jon.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)