Supierpapularny pop-hurt BTS abviaściŭ pra pierapynak u karjery
Supierpapularny chłapčukovy hurt BTS z Paŭdniovaj Karei, taksama viadomy jak Bangtan Boys abo Beyond The Scene, abviaściŭ pra pierapynak u karjery na niavyznačany, ale, jak adznačajecca, karotki termin.
Napiaredadni muzyki dali apošni na najbližejšy čas kancert u Sieule.
U kampanii Big Hit Entertainment, što vystupaje jak ahient hrupy, zajavili, što siem udzielnikaŭ hrupy buduć adpačyvać.
U kampanii dadali, što pierapynak u karjery «daść dzieciam mahčymaść atrymać asałodu ad zvyčajnaha žyćcia 20-hadovych maładych ludziej, choć i nienadoŭha».
Heta pieršaja paŭza ŭ karjery hrupy, jakaja debiutavała ŭ 2013 hodzie. Kolki budzie doŭžycca pierapynak, pakul nieviadoma.
Kalektyŭ BTS składajecca ź siami ŭdzielnikaŭ: RM (lidar hurta), Čyna, Siuhi, Džej-Choŭpa, Čymina, Vi i Čonhuka. U lipieni 2017 hoda hurt źmianiŭ łahatyp i rasšyfroŭku ich nazvy na anhlijskaj movie, u vyniku čaho jany stali zvacca Beyond The Scene.
Heta adzin z najbujniejšych bojbendaŭ u śviecie, u hetym hodzie muzyki stali pieršaj paŭdniovakarejskaj hrupaj, jakaja zavajavała pieršaje miesca ŭ brytanskim chit-paradzie. Zatym, u červieni jany stali pieršaj paŭdniovakarejskaj hrupaj, jakaja vystupiła na stadyjonie Uembli.
Z momantu debiutu BTS pradali bolš za 5 miljonaŭ svaich zapisaŭ pa ŭsim śviecie i ŭ hetym hodzie zavajavali pieršaje miesca ŭ amierykanskich čartach sa svaim albomam Love Yourself.
Ich karjera raźvivajecca imkliva, a papularnaść tolki raście.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy13
Kamientary