Kiraŭnica CVK Lidzija Jarmošyna razhladaje mahčymaść na vybarach u Biełarusi prymianić ideju rasijskich deputataŭ, jakija prapanavali zabaranić žurnalistam na vybarčych učastkach pravodzić fota- i videazdymku ź luboha miesca. I dazvolić zdymać tolki z taho miesca, jakoje vyznačyć staršynia kamisii, piša Tut.by.
Fota: Hleb Małafiejeŭ, Tut.by.
Na pres-kanfierencyi, adkazvajučy na pytańnie žurnalistaŭ pra toje, ci možna budzie vieści strymy z vybarčych učastkaŭ, Lidzija Jarmošyna adznačyła, što takaja mahčymaść u žurnalistaŭ budzie. U naziralnikaŭ — tolki z dazvołu ŭsich členaŭ kamisii.
— Kali vy budziecie prysutničać jak žurnalist, jak pradstaŭnik ŚMI, to takaja mahčymaść vam budzie dadziena. Što da ŭmoŭ, u jakich vy budziecie znachodzicca, to heta budzie miesca, jakoje vam vyznačyć staršynia kamisii. Kali vy budziecie jak naziralnik, to vieści fota- i videazdymki vy možacie tolki sa zhody ŭsich členaŭ kamisii, jakija buduć znachodzicca za stałom, — skazała Jarmošyna.
Kiraŭnik CVK taksama adznačyła, što jaje zaprasili da susiedziaŭ nazirać u vieraśni za vybarami ŭ maskoŭskuju dumu. Za mitynhami, jakija prachodziać u rasijskaj stalicy, Jarmošyna «zbolšaha sočyć», ale kamientavać «palityčny kryzis» u susiedziaŭ nie hatovaja.
— Heta čysta palityčnaje pytańnie, kamientavać jaho ja nie maju prava, — zajaviła kiraŭnica CVK.
