Na majučych adbycca ŭ Biełarusi parłamienckich vybarach buduć bolš aktyŭna vykarystoŭvacca infarmacyjnyja technałohii i stvaracca biezbarjernaje asiarodździe. Pra heta na pres-kanfierencyi ŭ pres-centry BiełTA paviedamiła staršynia Centralnaj vybarčaj kamisii Lidzija Jarmošyna, piša «Minsk-naviny».
Pavodle jaje słoŭ, chutka stanie dastupnaj mabilnaja prahrama, z dapamohaj jakoj možna budzie vyznačyć miesca raźmiaščeńnia vybarčaha ŭčastka i numar vybarčaj akruhi.
— Heta vialikaja dapamoha dla zborščykaŭ podpisaŭ. Prahrama daść mahčymaść nie pamylacca ŭ miežach vybarčych akruh, — adznačyła Jarmošyna.
Asablivaja ŭvaha budzie nadadziena zabieśpiačeńniu praŭ asob z abmiežavanymi fizičnymi mahčymaściami. Vystupy kandydataŭ u deputaty na telekanałach buduć supravadžacca subcitrami dla hłuchich. Na vybarčych učastkach stvorać miescy dla hałasavańnia invalidaŭ-kalasačnikaŭ. Heta budzie albo bolš šyrokaja kabina, albo asobnaje miesca ź nizkim stałom.
