Uładzimir Makiej, photo.bymedia.net
Kiraŭnik Administracyi prezidenta Uładzimir Makiej asabista prajšoŭsia pa rajonnych čynoŭnikach, kab pravieryć vykanańnie dyrektyvy Łukašenki ab pryncypach dziejańnia «adnaho vakna».
4 lutaha Ŭładzimir Makiej naviedaŭ administracyju Leninskaha rajonu Minsku, a taksama šerah inšych staličnych abjektaŭ. Paviedamlajecca, što nichto papiarednie nie čuŭ pra płany kiraŭnika Administracyi i heta stała poŭnaj niečakanaściu.
Padčas pravierki Makiej začapiŭsia za kiepska aformlenyja stendy ŭ faje i nieachajnaje afarmleńnie žurnału ŭliku naviedvalnikaŭ. Pryncyp «adnaho akna» taksama atrymaŭ prakoł, bo ciaham 20 chvilin paśla pryjezdu Makieja nie pracavała nivodnaje (!) z troch voknaŭ.
Pahavaryŭ vysoki čynoŭnik i z prostymi naviedvalnikami, jaki stajali ŭ čarzie. Ludzi skardzilisia na chamskaje staŭleńnie niekatorych kiraŭnikoŭ da ich.
Nie akazałasia na miescy i načalnika pieršaha lepšaha ŽESu ŭ centry horadu, u jaki Makiej zavitaŭ. Choć u dadzieny čas načalnik musiŭ pavodle raskładu vieści pryjom ludziej.
Makiej nakiruje daručeńnie meru Minska Michaiłu Paŭłavu ab nieabchodnaści ŭdaskanalvańnia dyrektyvy №2.
Takija pazapłanavyja pravierki kiraŭnik Administracyi źbirajecca pravodzić i nadalej i nie tolki ŭ Minsku.
Pra pachod Makieja «ŭ narod» napisali ŭsie dziaržaŭnyja ŚMI. Zboku dziejańni Ŭładzimira Makieja, jaki razmaŭlaje ź ludźmi ŭ čerhach i abiacaje razabracca ź biurakratyčnymi pieraškodami, vyhladajuć jak pačatak pracy pa pavyšeńni ŭłasnaha rejtynhu.
