Trahiedyja adbyłasia 20 žniŭnia na hary Materchorn na miažy Šviejcaryi i Italii, paviedamlaje Tut.by sa spasyłkaj na «Il Messaggero». Dziaŭčynu zvali Kaciaryna, joj było 33 hady.
Kaciaryna — vopytnaja alpinistka, piša Il Messaggero. U pachod jana adpraviłasia ź siabram-ukraincam — taksama daśviedčanym alpinistam. Razam maładyja ludzi ŭžo pakarali inšyja viaršyni, ale na bolš nizkich vyšyniach.
Padymacca na Materchorn naparniki stali ŭ aŭtorak dniom. Kala 5 hadzin viečara jany prybyli da asnovy prachodu Cheminéè.
— Ja padniaŭsia navierch, ale jana zastałasia ŭnizie, jana stamiłasia. Spačatku ja pasłaŭ uniz kaniec viaroŭki. Jana nie zmahła padniacca, tamu ja ŭzdymaŭ jaje, — pryvodzić słovy naparnika vydańnie. — Jana była zmučanaja, skazała, što źniasilena. Pavaliłasia na ziamlu i nie reahavała.
Pa słovach siabra, jon padniaŭsia da chižyny Kareł pa dapamohu, ale tam nikoha nie było. Pasprabavaŭ padać sihnał pa radyjo, nichto nie adkazaŭ. Kali jon viarnuŭsia da Kaciaryny, dziaŭčyna ŭžo była miortvaja.
Bližej da nočy mužčynu ŭdałosia źviazacca z ratavalnikami. Uličvajučy poźni čas i drennaje nadvorje, da miesca trahiedyi jany zmahli dabracca tolki na nastupnuju ranicu.
Na viertalocie cieła dziaŭčyny dastavili ŭ Červiniju — kurortny horad na paŭnočnym zachadzie Italii. Zaraz hetaj spravaj zajmajecca palicyja.
Ciapier čytajuć
Sotni rubloŭ, kab efiektna daviedacca poł budučaha dziciaci: biełarusy robiać usio bolš maštabnyja hiendar-paci3
Kamientary