Poŭnaja karcina ekanamičnaha efiektu ad praviadzieńnia ŭ Minsku II Jeŭrapiejskich hulniaŭ budzie atrymana ŭ studzieni 2020 hoda. Pra heta pieršy namieśnik premjer-ministra Alaksandr Turčyn zajaviŭ u efiry «Biełaruś 1», paviedamlaje BIEŁTA.
«Pa vynikach 2019 hoda praviadziem kančatkovy analiz. Siońnia ŭ nas jość infarmacyja pra sumu pradadzienych biletaŭ, zapaŭnialnaść haścinic, tavary, nabytyja zamiežnymi haściami, kali jany vykarystoŭvali Tax Free, — skazaŭ Alaksandr Turčyn. — U studzieni ŭbačym poŭnuju karcinu».
U cełym na Jeŭrapiejskija hulni ŭ 2017-2019 hadach patračana kala Br840 młn. «Heta roznyja krynicy — biudžetnyja srodki, kredyty bankaŭ, sponsarskaja dapamoha. Kala 70%, heta značyć, kala Br600 młn, — inviestycyjnyja zatraty. Možna zadać sabie pytańnie: heta hrošy, jakija pajšli na hulni, abo, kali b nie było ich, my b hetyja vydatki ŭsio roŭna rabili?», — adznačyŭ pieršy vice-premjer.
U jakaści prykładaŭ jon pryvioŭ studencki internat pa prasp. Dziaržynskaha, niedabud u studharadku, zakuplenyja novyja aŭtobusy i elektrobusy dla Minska, pieradadzienyja ŭ abłasnyja aŭtaparki.
«Atrymlivajecca, Br240 młn patračana niepasredna na praviadzieńnie hulniaŭ. Kala pałovy z hetaj sumy — srodki sponsaraŭ. Jany pajšli ŭ tym liku na pražyvańnie spartsmienaŭ, ich charčavańnie», — dadaŭ Alaksandr Turčyn. I praciahnuŭ łancužok razvah u tym klučy, što takim čynam dachod atrymali pradpryjemstvy hramadskaha charčavańnia, śfiery pasłuh.
Raniej paviedamlałasia, što patračana 540 młn rubloŭ.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Kamientary